Կլաուս Վունդեր

Կլաուս Վունդեր; գերմ.՝ Klaus Wunder
Քաղաքացիությունը	Գերմանիա
Ծննդյան ամսաթիվ	սեպտեմբերի 13, 1950
Ծննդավայր	Էրֆուրտ, Թյուրինգիա, Արևելյան Գերմանիա
Մահվան ամսաթիվ	հունվարի 16, 2024 (73 տարեկան)
Հասակ	176 սանտիմետր
Քաշ	70 կիլոգրամ
Դիրք	հարձակվող

Կլաուս Վունդեր (գերմ.՝ Klaus Wunder, սեպտեմբերի 13, 1950(1950-09-13)^[1], Էրֆուրտ, Թյուրինգիա, Արևելյան Գերմանիա - հունվարի 16, 2024(2024-01-16)^[2]), գերմանացի ֆուտբոլիստ, հարձակվող։

Ակումբային կարիերա

Կլաուս Վունդերն իր պրոֆեսիոնալ կարիերան սկսել է 1969 թվականին՝ Հաննովերի «Արմինիա» ակումբում։ Այս ակումբում նա իր խաղով գրավել է Դույսբուրգի «Դույսբուրգ» ակումբի մարզչական շտաբի ներկայացուցիչների ուշադրությունը և 1971 թվականին տեղափոխվել «Դույսբուրգ»։ Հաջորդ երեք մրցաշրջանները նա անցկացրել է դույսբուրգյան ակումբում։ Այդ ակումբում անցկացրած խաղերի մեծ մասը նա թիմի հարձակման գծի խաղացող է եղել։ «Դույսբուրգի» կազմում նա թիմի գլխավոր ռմբարկուներից մեկն է եղել՝ մեկ խաղում միջինը 0,34 գոլ։

1974-1976 թվականներին նա խաղացել է Մյունխենի «Բավարիայում», որի հետ 1975 թվականին նվաճել է Եվրոպայի գավաթը՝ եզրափակչում հաղթելով անգլիական «Լիդս Յունայթեդին»^[4]։

Հաջորդ 2 մրցաշրջանները Վունդերն անցկացրել է «Հաննովեր 96» ակումբում։ 1978 թվականին տեղափոխվել է «Վերդեր», որի կազմում հանդես է եկել երկու մրցաշրջան։ Բրեմենի «Վերդերում» հանդես գալու ժամանակ նա նույնպես հիմնականում խաղադաշտ է դուրս եկել թիմի հիմնական կազմում։ 1980 թվականին Կլաուս Վունդերն ավարտել իր պրոֆեսիոնալ ֆուտբոլային կարիերան։

Կարիերան ազգային հավաքականում

Գերմանիայի օլիմպիական հավաքականի հետ մասնակցել է 1972 թվականի ամառային օլիմպիական խաղերին։ Կլաուսը խաղացել է նաև Գերմանիայի երիտասարդական հավաքականում և Գերմանիայի երկրորդ հավաքականում։ Գերմանիայի ֆուտբոլի ազգային հավաքականում նա անցկացրել է մեկ հանդիպում՝ ԽՍՀՄ ֆուտբոլի ազգային հավաքականի դեմ ընկերական խաղում, որում Վունդերը 64-րդ րոպեին փոխարինել է Յուրգեն Գրաբովսկուն։

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 ^2,2 Bayern trauert um Ex-Rekordtransfer (գերմ.)
↑ ^3,0 ^3,1 Olympedia — 2006.
↑ «Wunder, Klaus». kicker.de (գերմաներեն). Արխիվացված օրիգինալից 2016 թ․ մարտի 4-ին. Վերցված է 2013 թ․ ապրիլի 16-ին.

Արտաքին հղումներ

[_95f4ac46ff4567d7-1] 1,0 ^1,1 Transfermarkt.com(բազմ․) — 2000.

[_498026f578d132ce-2] 2,0 ^2,1 ^2,2 Bayern trauert um Ex-Rekordtransfer (գերմ.)

[_d3b9df2137ff406b-3] 3,0 ^3,1 Olympedia — 2006.

[4] «Wunder, Klaus». kicker.de (գերմաներեն). Արխիվացված օրիգինալից 2016 թ․ մարտի 4-ին. Վերցված է 2013 թ․ ապրիլի 16-ին.

[1]

[2]

[3]

[4]