Կիրառական արվեստի ազգային թանգարան (Բուենոս Այրես)

Վիքիպեդիայից՝ ազատ հանրագիտարանից
Jump to navigation Jump to search
Կիրառական արվեստի ազգային թանգարան
Bellasartes logo.png
Fachada del Museo Nacional de Bellas Artes (Argentina).jpg
Տեսակ պատկերասրահ և ազգային թանգարան
Երկիր Flag of Argentina (alternative).svg Արգենտինա[1]
Տեղագրություն Բուենոս Այրես
Հիմնադրված է դեկտեմբերի 25, 1896
Կոորդինատներ: 34°35′2.6″ հվ. լ. 58°23′34.1″ ամ. ե. / 34.584056° հս․. լ. 58.392806° ավ. ե. / 34.584056; 58.392806
Կայք bellasartes.gob.ar


Կիրառական արվեստի ազգային թանգարան (իսպ.՝ Museo Nacional de Bellas Artes, MNBA), արգենտինական գեղարվեստական թանգարան Բուենոս Այրեսում, տեղակայված Ռեկոլետա շրջանում: 2004 թվականին թանգարանը մասնաճյուղ է բացել Նեուկեն քաղաքում:

Պատմություն[խմբագրել | խմբագրել կոդը]

Թանգարանի առաջին տնօրենը արգենտինացի նկարիչ և քննադատ Էդուարդո Շիաֆինոն էր: Թանգարանը բացվել է 1895 թվականի դեկտեմբերի 25-ին Ֆլորիդա փողոցում գտնվող շենքում, որտեղ այժմ գտնվում է Galerías Pacífico առևտրի կենտրոնը: 1909 թվականին թանգարանը տեղափոխվել է Սան Մարտինի հրապարակում գտնվող շենք: Իր նոր տանը թանգարանը դարձել է դարի Միջազգային ցուցահանդեսի մի մասը, որն անց է կացվել Բուենոս Այրեսում, 1910 թվականին: 1932 թվականին Սան Մարտինա հրապարակի վերակառուցման նպատակով տաղավարի քանդումից հետո, 1933 թվականին թանգարանը տեղափոխել են այժմյան գտնվելու վայր: Այդ շենքը կառուցվել է 1870 թվականին և վերակառուցվել ճարտարապետ Ալեխանդրո Բուստիլիոյի կողմից՝ ժամանակակից օգտագործման համար:

1955-1964 թվականներին տնօրեն Խորխե Ռոմերոյի օրոք թանգարանը արդիականացվել է ինչպես ներսից այնպես էլ նրա հավաքածուն: 1961 թվականին բացվել է ժամանակավոր տաղավար, թանգարանը ձեռք է բերել ժամանակակից արվեստի բազմաթիվ ստեղծագործություններ:

Ժամանակակից արգենտինական գեղարվեստական տաղավարը բացվել է ավելի ուշ՝ 1980 թվականին: Այդ տարածքը ունի ընդհանուր 1536 քառակուսի մետր և հանդիսանում է թանգարանի 34 տարածքներից ամենամեծը, ցուցասրահների ընդհանուր մակերեսը կազմում է 4610 քառակուսի մետր:

Թանգարանի հիմնական էքսպոզիցիան ընդգրկում է 688 հիմնական գործեր և ավելի քան 12 000 ուրվագծեր, հատվածներ, բրուտագործական արտադրանքներ և այլ փոքր գործեր: 2004 թվականին Նեուկեն քաղաքում բացված թանգարանի մասնաճյուղը ունի 4 ցուցասրահ, 2500 քառակուսի մետր ընդհանուր մակերեսով, որտեղ տեղակայված է հիմնական էքսպոզիցիան, որը ընդգրկում է 215 գործ, ինչպես նաև ժամանակավոր ցուցահանդեսներ:

Թանգարանի առաջին հարկում 24 սրահ կա, որտեղ ցուցադրվում են գեղանկարչության միջազգային հավաքածուներ՝ միջնադարից մինչև 20-րդ դար, ինչպես նաև այնտեղ է գտնվում թանգարանային արվեստի պատմության գրադարան: Թանգարանի երկրորդ հարկում գտնվող սրահներում ցուցադրվում են 20-րդ դարի արգենտինացի լավագույն նկարիչների ստեղծագործությունները, որոնց թվում են՝ Անտոնիո Բեռնին, Էռնեստո դե լա Կարկովան, Բենիտո Կինկելա Մարտինը, Էդուարդո Սիվորին, Ալֆրեդո Գուտելոն, Ռակել Ֆորները, Լինո Էնեա Սպիլիմբերոն: Երրորդ հարկում տեղակայված են երկու էքսպոզիցիա՝ հավաքված 1984 թվականին, լուսանկարների ցուցահանդես, ինչպես նաև տեխնիկական և վարչական տարածքների մեծ մասը:

Հավաքածու (Բուենոս Այրոս)[խմբագրել | խմբագրել կոդը]

Արգենտինացի վարպետներ

Եվրոպացի վարպետներ

Ծանոթագրություններ[խմբագրել | խմբագրել կոդը]

  1. GeoNames — 2005.

Արտաքին հղումներ[խմբագրել | խմբագրել կոդը]