Կերպարվեստ (հանդես)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Կերպարվեստ (այլ կիրառումներ)
Կերպարվեստ
Տեսակհանդես
Լեզուհայերեն, որոշ էջեր` ռուսերեն
Հրատարակիչ«Դիզայն կենտրոն» կոոպերատիվ
ԵրկիրՀՀ, Երևան
Հրատարակության պատմություն2003-2014 թվականներ
Հաճախականությունտարին 1-2 անգամ
Տպաքանակ1200
ISI0
SCOPUS0
ԲՈՀ ցանկ1

«Կերպարվեստ», Հայաստանի նկարիչների միության պարբերականը, որը լույս է տեսել 2003-2014 թվականներին։ Հրատարակիչ՝ «Դիզայն կենտրոն» կոոպերատիվ։

Պատմություն[խմբագրել | խմբագրել կոդը]

Առաջին համարը լույս է տեսել 2003 թվականի սեպտեմբերի 5-ին[1]։ Կերպարվեստը լուսաբանող մասնագիտական լրատվամիջոց էր։ Հանրահռչակել է հայ ավանդական և ժամանակակից ազգային կերպարվեստը։ Տպագրել է վերլուծական նյութեր, ներկայացրել ցուցահանդեսներ, անդրադարձել հայ նշանավոր վարպետների հոբելյաններին և նկարիչների միության գործունեությանը։

Պարբերականում, հայերենից զատ, տպագրվել են նաև ռուսերեն նյութեր։ Հրատարակվել է 1200-ից ավելի տպաքանակով տարին 1 կամ 2 անգամ[2], տարածվել ՀՆՄ անդամների և արվեստասեր հասարակության մեջ, ուղարկվել միության մասնաճյուղեր և արտերկիր։

Ընդգրկված է եղել Հայաստանի Հանրապետության բարձրագույն որակավորման հանձնաժողովի (ՀՀ ԲՈՀ) սահմանած դոկտորական և թեկնածուական ատենախոսությունների հիմնական արդյունքների և դրույթների հրատարակման համար ընդունելի պարբերական գիտական հրատարակությունների ցուցակում։

Հանդեսի վերջին համարը լույս է տեսել 2014 թվականի սեպտեմբերին։ Հրատարակումը դադարեցվել է ֆինանսների բացակայության պատճառով[3]։

Խմբագրական խորհուրդ[խմբագրել | խմբագրել կոդը]

«Կերպարվեստի» խմբագրական խորհուրդը ձևավորված է եղել նկարիչների միության բաժինների նախագահներից և կերպարվեստի ոլորտի ճանաչված գիտնականներից։

Պարբերականի խմբագրական խորհրդի նախագահն էր Կարեն Աղամյանը, գլխավոր խմբագիրը՝ Վրեժ Առաքելյանը[4]։

Ծանոթագրություններ[խմբագրել | խմբագրել կոդը]

Աղբյուր[խմբագրել | խմբագրել կոդը]