Կենզո Տակադա

Վիքիպեդիայից՝ ազատ հանրագիտարանից
Jump to navigation Jump to search
Կենզո Տակադա
ճապ.՝ 高田賢三
Դիմանկար
Ծնվել էփետրվարի 27, 1939(1939-02-27)[1][2]
ԾննդավայրՀիմեձի, Հյոգո (պրեֆեկտուրա), Ճապոնիա[1]
Մահացել էհոկտեմբերի 4, 2020(2020-10-04)[3][4][5][…] (81 տարեկան)
Մահվան վայրՆյոյի սյուր Սեն[6][1]
ԳերեզմանՊեր Լաշեզ
ՔաղաքացիությունFlag of Japan.svg Ճապոնիա
ԿրթությունHimejinishi High School?[5], Kobe City University of Foreign Studies?[5] և Bunka Fashion College?
Մասնագիտությունդիզայներ, նորաձևության դիզայներ, գործարար և հագուստ ձևագծող
ԱշխատավայրԿենզո
Պարգևներ և
մրցանակներ
Պատվո լեգեոնի շքանշանի ասպետ Արվեստների և գրականության շքանշանի ասպետ և Մանուշակագույն ժապավենով փառքի մեդալ[7]
Commons-logo.svg Kenzo Takada Վիքիպահեստում
Kenzo ապրանքանիշի օծանելիք

Կենզո Տակադա (ճապ.՝ 高田 賢三, փետրվարի 27, 1939(1939-02-27)[1][2], Հիմեձի, Հյոգո (պրեֆեկտուրա), Ճապոնիա[1] - հոկտեմբերի 4, 2020(2020-10-04)[3][4][5][…], Նյոյի սյուր Սեն[6][1])[8], ճապոնացի նորաձևության դիզայներ և դիզայներ, Կենզո ապրանքանիշի հիմնադիր։

Կենսագրություն[խմբագրել | խմբագրել կոդը]

Կենզոն ծնվել է 1939 թվականի փետրվարի 27-ին Հյոգո պրեֆեկտուրայում՝ Կանզակիում (ներկայումս Հիմեջի քաղաք)։ Կենզոն թեյի տնակի սեփականատիրոջ 5 երեխաներից ամենակրտսերն էր։ 1958 թվականին Կենզոն սկսել է սովորել Բունկի քոլեջում՝ Տոկիոյում նորաձևության ամենահայտնի դպրոցում։ 1965 թվականին տեղափոխվել է Փարիզ, որտեղ 1970 թվականին նրա կանացի հագուստի մոդելների ցուցադրությունը մեծ հետաքրքրություն է առաջացրել։ ELLE նորաձևության ամսագիրը իր շապիկին հրապարակել է Կենզոյի ցուցադրության մոդելներից մեկը։ Այս առաջին հաջողությունից հետո Կենզո Տակադայի կարիերան նորաձևության աշխարհում արագորեն առաջադիմել է։ 1971 թվականին իր հավաքածուն ցուցադրել է Նյու Յորքում և Ճապոնիայում։ 1972 թվականին նրա ցուցադրության շուրջ իրարանցումն այնքան մեծ էր, որ Կենզոն ստիպված էր այն դադարեցնել։ Նույն թվականին վարպետը ստացել է Fashion Editor Club of Japan մրցանակը։

Կենզոն իր աշխատանքը գովազդելիս չէր խուսափում տարօրինակ և էկզոտիկ տեխնիկայից։ Այսպիսով, 1978 և 1979 թվականներին նա իր հավաքածուի ցուցադրությունը կազմակերպել է կրկեսային վրանում։ Միևնույն ժամանակ, թափանցիկ հագուստով ակրոբատները ձիերով շրջում էին կրկեսի ասպարեզում, իսկ ինքը՝ Կենզոն՝ փղի վրա։

1983 թվականից Կենզոն սկսում է զբաղվել նաև տղամարդկանց նորաձևությամբ։ 1984 թվականին Ֆրանսիայի մշակույթի նախարարությունը նրան պարգևատրել է Արվեստի և գրականության շքանշանով (ասպետի աստիճան)։ 1988 թվականից սկսել է Կենզո ապրանքանիշի ներքո թողարկել օծանելիք։

1987 թվականին թողարկվել են մանկական հագուստի և տան պարագաների առաջին գծերը։

1988 թվականին ապրանքանիշը թողարկել է օծանելիքի առաջին գիծը։ Ապրանքանիշի առաջին բուրմունքն է դարձել կանացի Kenzo Parfum-ը։

1991 թվականին Կենզոն թողարկել է առաջին տղամարդու բուրմունքը՝ Kenzo Pour Homme-ն։

1993 թվականին ֆրանսիական LVMH կոնցերնը, որը աշխարհի ամենախոշոր հարդարանքի առարկաներ արտադրողն է, ձեռք է բերել «Кenzo» առևտրային ապրանքանիշը։ Ներկայումս Kenzo նորաձևության տունը ներկայացնում է հետևյալ հավաքածուները[9]

  • Kenzo Homme,
  • Kenzo Jeans,
  • Kenzo Jungle,
  • Kenzo Enfant,
  • Kenzo Bebe,
  • Kenzo Accessories,
  • Kenzo Maison,
  • Օծանելիքի կանացի և տղամարդու գիծ։

«Kenzo» ապրանքանիշը վաճառելով՝ Տակադան սկսել է հագուստ թողարկել տարբեր ապրանքանիշների ներքո՝ Yume, Gokan Kobo, Takada, նաև ստեղծել է հագուստի գիծ La Redoute կատալոգի համար[10]։

1999 թվականին նորաձևության տան ղեկավարը պաշտոնապես հայտարարել է ընկերությունից հեռանալու մասին։

2003 թվականին LVMH կոնցերնը Անտոնիո Մարասային նշանակել է Kenzo-ի ստեղծագործական տնօրեն։

2011 թվականին Անտոնիո Մարասը հեռացել է ստեղծագործական տնօրենի պաշտոնից, նորաձևության տան ղեկավարի իրավահաջորդներն են դարձել Ումբերտո Լեոնը և Քերոլ Լիմը՝ նյույորքյան Opening Ceremon ապրանքանիշի հիմնադիրները։

Kenzo ապրանքանիշի առաջին հավաքածուի թողարկվելուց 17 տարի անց երևան է եկել նույն ապրանքանիշի օծանելիքը։ Այն ոչ կարճ ժամանակի ընթացքում, որ Կենզո Տակադան անցկացրել է օծանելիքի աշխարհում, նրա ղեկավարությամբ ստեղծվել է բավականաչափ բուրմունքներ կանանց և տղամարդկանց համար։ Այդ բուրմունքներից շատերը դարձել են բավականին սիրված[11][12]։

  • Օծանելիք Kenzo Ca Sent Beau
  • Օծանելիք Kenzo L’eau par Kenzo
  • Օծանելիք Kenzo Flower
  • Օծանելիք Kenzo L’eau par Kenzo pour Homme
  • Օծանելիք Kenzo Tokyo

Մահացել է COVID-19-ի հետևանքով 2020 թվականի հոկտեմբերի 4-ին 82 տարեկան հասակում[13][14]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 Fichier des personnes décédées
  2. 2,0 2,1 Babelio (ֆր.) — 2007.
  3. 3,0 3,1 3,2 Le créateur de la marque Kenzo est mort du Covid-19 (ֆր.) // Le Figaro / A. BrézetParis: Société du Figaro, 2020. — ed. size: 322497 — ISSN 0182-5852; 2496-8994
  4. 4,0 4,1 4,2 KENZO創辦人高田賢三武漢肺炎病逝 享壽81歲(չինարեն (Թայվան))中央通訊社, 2020.
  5. 5,0 5,1 5,2 5,3 5,4 世界的デザイナー高田賢三さん 新型コロナで死去 (яп.) // 神戸新聞神戸新聞社, 2020.
  6. 6,0 6,1 6,2 Le créateur de la marque Kenzo est mort du Covid-19 (ֆր.) — 2020.
  7. KENZO ケンゾー 高田賢三 Japan.
  8. Кендзо // Канцелярия конфискации — Киргизы. — М. : Большая российская энциклопедия, 2009. — С. 559. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 13). — ISBN 978-5-85270-344-6.
  9. «Дом моды Kenzo (Кензо).»։ Мода-online.Ru (ռուսերեն)։ Мода - online.Ru։ Վերցված է 2010-07-06 
  10. «Кензо Такада – мастер пяти чувств» (ռուսերեն)։ Վերցված է 2010-02-09 
  11. «Kenzo Perfumes And Colognes»։ www.fragrantica.com (անգլերեն)։ Վերցված է 2020-10-04 
  12. «Kenzo: leading perfumes for women in Spain 2017-2019 survey»։ Statista (անգլերեն)։ Վերցված է 2020-10-04 
  13. «Японский дизайнер Кендзо Такада, основатель модного дома Kenzo, умер от коронавируса»։ euronews (ռուսերեն)։ 2020-10-04։ Վերցված է 2020-10-04 
  14. «Kenzo fashion brand founder dies from Covid-19»։ BBC News։ 2020-10-04։ Վերցված է 2020-10-04 

Արտաքին հղումներ[խմբագրել | խմբագրել կոդը]