Կարոյ Բերեգֆի

Վիքիպեդիայից՝ ազատ հանրագիտարանից
Jump to navigation Jump to search
Կարոյ Բերեգֆի
Beregfy Károly.jpg
փետրվարի 12, 1888(1888-02-12) - մարտի 12, 1946(1946-03-12) (58 տարեկանում)
ԾննդավայրՑրվենկա, Կուլայ, Բաչ-Բադրոգ, Հունգարիայի թագավորություն, Transleithania, Ավստրո-Հունգարիա
Մահվան վայրԲուդապեշտ, Հունգարիա
ԿոչումԳեներալ-գնդապետ
Մարտեր/
պատերազմներ
Առաջին համաշխարհային պատերազմ

Կարոյ Բերեգֆի (հունգ.՝ Beregfy Károly, փետրվարի 12, 1888(1888-02-12), Ցրվենկա, Կուլայ, Բաչ-Բադրոգ, Հունգարիայի թագավորություն, Transleithania, Ավստրո-Հունգարիա - մարտի 12, 1946(1946-03-12), Բուդապեշտ, Հունգարիա), հունգարացի քաղաքական և ռազմական գործիչ, նացիստ, հունգարացի նացիոնալիստ, 1944-1945 թվականներին Հունգարիայի պաշտպանության նախարար, Երկրորդ համաշխարհային պատերազմի ավարտական փուլում Ռեգենտյան խորհրդի անդամ (երկիրը կառավարում էր Ֆերենց Սալաշին), որը կառավարել է Հունգարիան 1944 թվականի նոյեմբերի 4-ից մինչև 1945 թվականի մարտի 28-ը:

Կենսագրություն[խմբագրել | խմբագրել կոդը]

Ծնվել է 1888 թվականի փետրվարի 13-ին Ցրավենկայում (Վոեվոդինա) (անունը ծնվելուց Կարոյ Բերգեր): Մարտնչել է Առաջին համաշխարհային պատերազմում և ծանր վիրավորվել: 1939 թվականից մինչև 1941 թվականներին ղեկավարել է Թագավորական ռազմական ակադեմիան: 1941 թվականից մինչև 1944 թվականը մարտնչել է սկզբում որպես VI կորպուսի հրամանատար, այնուհետև Երրորդ բանակի հրամանատար: 1944 թվականի ապրիլին հեռացվել է ծառայությունից և ազատվել բանակից, իրեն ենթակա զորքերի Կարմիր բանակի կողմից ջախջախման պատճառով:

Վերմախտի կողմից Հունգարիայի օկուպացումից և Սալաշի հեղաշրջումից հետո 1944 թվականի հոկտեմբերի 16-ին նշանակվում է պաշտպանության նախարար, միաժամանակ զբաղեցնելով Գլխավոր շտաբի պետի պաշտոնը, գեներալ-գմդապետի կոչումով: Ակտիվ մասնակցություն է ունեցել Հունգարիայում հրեաների հետապնդմանը: Հոկտեմբերի 21-ին հրամանագիր է ստորագրում 16-ից մինչև 60 տարեկան հրեա տղամարդկանց և 16-ից 60 տարեկան կանանց պարտադիր աշխատանքներում ներգրավելու վերաբերյալ[1]:

1945 թվականի ապրիլի 30-ին Բերեգֆին գերի է վերցվում ամերիկյան զորքերի կողմից և հանձնվում հունգարական նոր կառավարությանը: Բերեգֆին Ժողովրդական տրիբունալի կողմից դատապարտվում է մարդկության դեմ գործած հանցագործությունների համար և 1946 թվականի մարտի 12-ին կախաղան բարձրացվում Սալաշի և Իոժեֆ Գերի հետ միասին:

Ծանոթագրություններ[խմբագրել | խմբագրել կոդը]

  1. Zoltán Vági, László Csősz, Gábor Kádár. The Holocaust in Hungary: Evolution of a Genocide. - AltaMira Press, 2013. - 504 с. - P. 153. - (Documenting Life and Destruction: Holocaust Sources in Context). - ISBN 9780759122000.

Արտաքին հղումներ[խմբագրել | խմբագրել կոդը]

  • Magyar Életrajzi Lexikon
  • Géza Lakatos. As I saw it: the tragedy of Hungary, Englewood, New Jersey, N.J. : Universe Publishing, 1993.
  • Elek Karsai – László Karsai. A Szálasi per. Reform Kiadó, 1988.