Կան Կվարչիա
| Կան Կվարչիա | ||||
| ||||
|---|---|---|---|---|
| 2022 - այժմ | ||||
| ||||
| հոկտեմբերի 21, 2019 - ապրիլի 30, 2020 | ||||
| Նախագահ | Ռաուլ Հաջիմբա Ասլան Բժանիա | |||
| Նախորդող | Ադգուր Խարազիա | |||
| Հաջորդող | Բեսլան Էշբա (ժամանակավոր պաշտոնակատար) | |||
| ||||
| ապրիլի 3, 2012 - 2017 | ||||
| Նախորդող | Ալեքսանդր Չենգելիա | |||
| Հաջորդող | Օմար Ջինջոլիա | |||
| Կրթություն՝ | Աբխազական պետական համալսարան | |||
| Մասնագիտություն՝ | քաղաքական գործիչ | |||
| Ծննդյան օր | հուլիսի 1, 1974 (50 տարեկան) | |||
| Քաղաքացիություն |  Աբխազիայի Հանրապետություն
| |||
| Պարգևներ | ||||
Կան Վալերիևիչ Կվարչիա (հուլիսի 1, 1974), աբխազ քաղաքական գործիչ, Աբխազիայի Ժողովրդական ժողովի 5-րդ և 7-րդ գումարման պատգամավոր (2012-2017, 2022-ից), Սուխումի քաղաքապետի պաշտոնակատար (2019-2020)[1]։
Կենսագրություն
[խմբագրել | խմբագրել կոդը]Կան Կվարչիան ծնվել է 1974 թվականի հուլիսի 1-ին[1]։ 1991 թվականին ավարտել է Սուխումի թիվ 10 միջնակարգ դպրոցը[1]։ 1991 թվականին ընդունվել է Աբխազիայի պետական համալսարանի պատմաիրավական ֆակուլտետը՝ իրավագիտության մասնագիտությամբ[1]։ 1995-1998 թվականներին եղել է Սուխումի զովացուցիչ ըմպելիքների գործարանի մատակարարման և վաճառքի բաժնի վարիչ[1]։ 2002-2004 թվականներին եղել է «Աբխազվտորռեսուրսի» պետական ընկերության գլխավոր տնօրենի տեղակալ[1]։ 2007 թվականին ավարտել է Սուխումի բաց ինստիտուտը՝ տնտեսագիտության և իրավունքի մասնագիտությամբ[1]։
1992-1993 թվականների վրաց-աբխազական պատերազմի վետերան, «Լեոնի» շքանշանակիր, պարգևատրվել է նաև «Արիության համար» մեդալով[1]։
Ամուսնացած է, ունի երեք երեխա[1]։
Քաղաքական կարիերա
[խմբագրել | խմբագրել կոդը]2007-2011 թվականներին եղել է Սուխումի քաղաքային խորհրդի անդամ, բնակարանային և կոմունալ ծառայությունների հանձնաժողովի նախագահ։
Աբխազիայի Ժողովրդական ժողովի պատգամավոր
[խմբագրել | խմբագրել կոդը]2012 թվականի մարտի ընտրություններում՝ Կվարչիան հաջողությամբ առաջադրվեց Ժողովրդական ժողովի 5-րդ գումարման մանդատի համար թիվ 31 ընտրատարածքում (Տկվարչելի), հաղթելով առաջին փուլում՝ հավաքելով ձայների 39,16%-ը՝ ընդդեմ երեք այլ թեկնածուների, իսկ երկրորդ փուլում հաղթելով գործող պատգամավոր Ալեքսանդր Չենգելիային[1][2][3]։
2014 թվականի հոկտեմբերի 7-ին Կվարչիան 27 կողմ, 4 դեմ ձայներով (31 ներկաներից) ընտրվեց Ագրարային քաղաքականության, բնական ռեսուրսների և էկոլոգիայի հանձնաժողովի նախագահ[1]՝ փոխարինելով Նոդիկ Կվիցինիային, ով հետախուզման մեջ էր և հետագայում դատապարտվելու էր ռուս գործարար Սերգեյ Կլեմանտովիչի և նրա գործընկեր Օքսանա Սկարեդնովայի սպանության համար[4]։
Սուխումի քաղաքապետի պաշտոնակատար
[խմբագրել | խմբագրել կոդը]2019 թվականի հոկտեմբերի 21-ին Աբխազիայի նախագահ Ռաուլ Հաջիմբան հրամանագիր է ստորագրել Կան Կվարչիային Սուխումի քաղաքային վարչակազմի ղեկավարի պաշտոնակատար նշանակելու մասին[1]։ Նույն օրը ավելի վաղ նախագահի հրամանագրով Ադգուր Խարազիան, ով այդ պաշտոնը զբաղեցնում էր 2014 թվականի հոկտեմբերից, ազատվել էր մայրաքաղաքի քաղաքապետի պաշտոնից[1]։ Քաղաքպետի ժամանակավոր պաշտոնակատարի պարտականությունները կատարել է մինչև 2020 թվականի ապրիլի 30-ը։ Նախագահ Ասլան Բժանիայի հրամանագրով նրան փոխարինել է Բեսլան Էշբան։
Աբխազիայի Ժողովրդական ժողովի պատգամավոր
[խմբագրել | խմբագրել կոդը]2022 թվականի մարտի ընտրություններում՝ Կվարչիան ընտրվել է Ժողովրդական ժողովի 5-րդ գումարման պատգամավոր։
Սպանության փորձ
[խմբագրել | խմբագրել կոդը]2016 թվականի հոկտեմբերի 17-ին՝ ժամը 7:10-ի սահմաններում, Աբխազիայի պետական հեռուստառադիոյի շենքի մոտ տեղի ունեցած պայթյունի հետևանքով մարդ է զոհվել։ Հետաքննությունը պարզել է, որ ռումբը վաղաժամ է պայթել, ինչի հետևանքով սպանվել է հավանական մարդասպանը, որը ճանաչվել է Ռուսաստանի Դաշնության քաղաքացի Ս.Լ. Տարասենկո անունով, և որ Կվարչիան եղել է նրա նպատակային թիրախը: Նոյեմբերի 2-ին ոստիկանությունը ձերբակալել է ընդդիմադիր «Ամցախարա» կուսակցության քաղխորհրդի անդամ Ադգուր Կորսենտիային՝ հարձակման փորձին առնչություն ունենալու կասկածանքով։ Նոյեմբերի 5-ին Սուխումիի քաղաքային դատարանը շարունակել է կալանքը մինչև հետաքննությունը[5][6][7]։ Նոյեմբերի 12-ին դա հաստատվել է վերաքննիչ բողոքում[8]։
2024-ի հրաձգություն
[խմբագրել | խմբագրել կոդը]2024 թվականի դեկտեմբերի 19-ին Աբխազիայի խորհրդարանի շենքում տեղի ունեցած հրաձգության հետևանքով վիրավորվում են պատգամավորներ՝ Կան Կվարչիան և Վախթանգ Գոլանձիան[9]։ Երկուսն էլ հոսպիտալացվել էին Հանրապետական հիվանդանոց, սակայն Գոլանձիայի կյանքը փրկել չի հաջողվել[10]: Աբխազիայի Ժողովրդական ժողովի պատգամավոր Ադգուր Խարազիան ճանաչվել է որպես հրաձգության մեջ կասկածվող[9]: Պատգամավորի նկատմամբ քրեական գործ է հարուցվել նաև գործընկերոջ սպանության համար[11]։ Հանրապետության դատախազությունը հրապարակել է ժողովրդական պատգամավորի անձեռնմխելիությունը վերացնելու առաջարկություն խորհրդարան ուղարկելու որոշման մասին[11]։
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 «И.о главы администрации Сухума назначен Кан Кварчия». abh-n.ru. 2019 թ․ հոկտեմբերի 21. Վերցված է 2024 թ․ դեկտեմբերի 30-ին.
- ↑ Предварительные итоги выборов депутатов Народного Собрания - Парламента Республики Абхазия. Apsnypress (Russian). 2012 թ․ մարտի 11. Արխիվացված է օրիգինալից 2012 թ․ հոկտեմբերի 11-ին. Վերցված է 2024 թ․ դեկտեմբերի 30-ին.
{{cite news}}: CS1 սպաս․ չճանաչված լեզու (link) - ↑ «Центризбирком объявил предварительные итоги повторного голосования по выборам депутатов парламента Абхазии». Apsnypress. 2012 թ․ մարտի 25. Արխիվացված է օրիգինալից 2016 թ․ մարտի 4-ին. Վերցված է 2024 թ․ դեկտեմբերի 30-ին.
- ↑ «Депутат Кан Кварчия избран председателем парламентского комитета по аграрной политике, природным ресурсам и экологии». Apsnypress. 2014 թ․ հոկտեմբերի 7. Արխիվացված է օրիգինալից 2014 թ․ հոկտեմբերի 13-ին. Վերցված է 2024 թ․ դեկտեմբերի 30-ին.
- ↑ «Арестован подозреваемый в причастности к теракту». Apsnypress. 2016 թ․ նոյեմբերի 5. Վերցված է 2024 թ․ դեկտեմբերի 30-ին.
- ↑ «ПРОКУРАТУРА ГОРОДА СУХУМ ВЕДЕТ СЛЕДСТВИЕ ПО УГОЛОВНОМУ ДЕЛУ О ПОКУШЕНИИ НА УБИЙСТВО ДЕПУТАТА ПАРЛАМЕНТА КАНА КВАРЧИЯ». Abkhazia Inform. 2016 թ․ նոյեմբերի 8. Վերցված է 2024 թ․ դեկտեմբերի 30-ին.
- ↑ «30 НОЯБРЯ СОСТОИТСЯ СЪЕЗД ПАРТИИ "АМЦАХАРА"». Abkhazia Inform. 2016 թ․ նոյեմբերի 16. Վերցված է 2024 թ․ դեկտեմբերի 30-ին.
- ↑ «Верховный суд признал законным арест Адгура Корсантия». Apsnypress. 2016 թ․ նոյեմբերի 14. Վերցված է 2024 թ․ դեկտեմբերի 30-ին.
- ↑ 9,0 9,1 «Lawmaker shot dead in parliament in breakaway Georgian region of Abkhazia». Al Jazeera Media Network. 2024 թ․ դեկտեմբերի 19. Վերցված է 2024 թ․ դեկտեմբերի 29-ին.
- ↑ «Կրակոցներ Աբխազիայի խորհրդարանում. պատգամավոր Կվարչիան վիրավոր է, Գոլանձիայի կյանքը փրկել չի հաջողվել». aravot.am. 2024 թ․ դեկտեմբերի 19. Վերցված է 2024 թ․ դեկտեմբերի 29-ին.
- ↑ 11,0 11,1 «Адгур Харазия». 24smi.org. Վերցված է 2024 թ․ դեկտեմբերի 28-ին.