Կանաչ թատրոն (Դոնի Ռոստով)
Տեսակ | թատրոն բաց երկնքի տակ |
---|---|
Երկիր | ![]() |
Տեղագրություն | Դոնի Ռոստով |
Հիմնադրված է | 1950 |
![]() | |
![]() | |
Կանաչ թատրոն (ռուս.՝ Зелёный театр), տեսարժանություն և դաշնային նշանակության մշակութային ժառանգության օբյեկտի` Ռոստովի Մաքսիմ Գորկու անվան պետական դրամատիկական թատրոնի մի մասը։ Գտնվում է Դոնի Ռոստով քաղաքի Թատերական հրապարակ, շենք 1 հասցեով։ Կանաչ թատրոնը շենքի հետնամասում է[1]։
Պատմություն
[խմբագրել | խմբագրել կոդը]1957 թվականին տեղի է ունեցել Մ. Գորկու անվան թատրոնի վերակառուցումը, որի արդյունքում կրճատվել են հանդիսականների համար նախատեսված դահլիճները։ Բայց 1960 թվականին ճարտարապետ Վ. Ն. Ռազումովսկու նախագծով մեծացվել է համերգային հարթակը, որը ստացել է Կանաչ թատրոն անվանումը։ Լրացուցիչ սրահի տարողությունը կազմել է 3000 մարդ, իսկ տարածքը` 300 քառակուսի մետր։ Կանաչ թատրոնի ձևավորումը ստեղծելու համար ներգրավվել են քանդակագործներ Մոսկվայից, Սանկտ Պետերբուրգից և Դոնի Ռոստովից։ Իր անվանումը հարթակը ստացել է մոտակայքում եղած մեծ քանակությամբ ծառերի շնորհիվ[1]։
2000 թվականի դրությամբ օբյեկտը գտնվել է վթարային վիճակում, նրա պահպանական կարգավիճակը մինչև վերջ որոշված չէր. մշակութային ժառանգության օբյեկտների մարզային գրանցամատյանում այն հաշվառված էր որպես դաշնային նշանակության մշակութային ժառանգության օբյեկտի` Ռոստովի Մաքսիմ Գորկու անվան պետական դրամատիկական թատրոնի մի մաս, իսկ ՌԴ մշակույթի նախարարության տվյալների համաձայն` այդ տեղեկությունը չէր համապատասխանում իրականությանը[1]։
2003 թվականին շենքի վերակառուցումը չի իրականացվել կարգավիճակի հենց այդ անորոշության պատճառով[1]։ Այնուհետև աշխատանքները պետք է անցկացվեին 2012 և 2013 թվականներին[2], սակայն դրանք ևս ստիպված հետաձգվեցին։ 2016 թվականի սկզբի դրությամբ աշխատանքները կազմակերպողների ծրագրերում հարթակի վերակառուցումն ու զբոսայգում 60 մետր բարձրությամբ պտտվող անվի տեղադրումն էր[3]։ Ենթադրվում է, որ հարթակը շահագործման կհանձնվի 2017 թվականին և կարող է տեղավորել ավելի քան 1000 մարդ։ Բեմական տարածքը պետք է կազմի ավելի քան 300 քառակուսի մետր։ Աշխատանքների համար պետք է ծախսվի մոտ 110 միլիոն ռուբլի։ Առայժմ շենքը գտնվում է կիսով չափ քանդված վիճակում, նրա մաշվածությունը հավասար է 45 տոկոսի[4]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 «О Ростовском театре замолвите слово»
- ↑ «Вернут ли городу «Зеленый театр»?». Արխիվացված է օրիգինալից 2017 թ․ փետրվարի 28-ին. Վերցված է 2017 թ․ հունիսի 22-ին.
- ↑ Зеленый театр в Ростове реконструируют и дополнят колесом обозрения
- ↑ «Агроком» реконструирует «Зеленый театр» в Ростове