Ծեր թագավորը իր աքսորավայրում

Ծեր թագավորը իր աքսորավայրում գերմ.՝ Der alte König in seinem Exil
Տեսակ	գրական ստեղծագործություն
Ձև	վեպ
Հեղինակ	Առնո Գայգեր
Բնագիր լեզու	գերմաներեն
Հրատարակվել է	փետրվարի 7, 2011

«Ծեր թագավորը իր աքսորավայրում» (գերմ.՝ Der alte König in seinem Exil), ավստրիացի գրող Առնո Գայգերի վեպը։ Առաջին անգամ հրատարակվել է 2011 թվականին։ Թարգմանվել է 28 լեզուներով։ Գիրքն ստացել է մի շարք գրական մրցանակներ, այդ թվում Ֆրիդրիխ Հյոլդեռլինի անվան մրցանակ, ինչպես նաև արժանացել է տարբեր երկրների բժշկական միավորումների գնահատանքին (2011 թվականին՝ German Hospice and Palliative Care Association (DHPV) Award)։

Հայերեն տպագրվել է 2013 թվականին «Զանգակ» հրատարակչությունում, գերմաներենից թարգմանել է Գայանե Գինոյանը։

Դիպաշար

Գրքի համար բնաբան է ընտրված Հոկուսայիի «Պետք է ընդհանուրը նույնպես նկարագրել որպես անձնական» խոսքերը։

Գիրքն ինքնակենսագրական բնույթ ունի, որում հեղինակը պատմում է հոր մասին, որը տառապում էր ալցհայմերի հիվանդությամբ, սակայն չէր կորցրել իր կենսունակությունն ու բանականությունը։ Վեպում անդրադարձ է կատարվում ժամանակակից գրականության կարևոր թեմաներին՝ ծերություն և հիվանդություն, հայրենիք և ընտանիք։ Պատմությունը ցույց է տալիս, որ մարդը, անկախ հիվանդությունից, շարունակում է իր անցյալով, յուրահատկությամբ և արժանապատվությամբ մարդ մնալ։

Արտաքին հղումներ

• Arno Geiger: Der alte König in seinem Exil. Rezension bei Dieter Wunderlich
• Գրքի մեկամսյակի ամփոփումը, 13.03.2013 թ.