Ծառայողական պարտականությունները կատարելիս զոհված իրավապահների հուշարձան (Մոսկվա)
 | |
|---|---|
.jpg) Ծառայողական պարտականությունները կատարելիս զոհված իրավապահների հուշարձանը | |
 | |
 | |
| Տեսակ | հուշարձան |
| Երկիր |  Ռուսաստան |
| Բնակավայր | Trubnaya Square? |
| Շինության ձև | Քաղաքային քանդակ |
| Նյութ | բրոնզ և գրանիտ |
| Ներկա վիճակ | Կանգուն |
 Monument to soldiers of law and order in Moscow Վիքիպահեստում | |
Ծառայողական պարտականությունները կատարելիս զոհված իրավապահների հուշարձան (ռուս.՝ Памятник солдатам правопорядка, погибшим при исполнении служебного долга), հուշարձան Ռուսաստանի մայրաքաղաք Մոսկվայում։ Տեղադրվել է 1994 թվականին Տրուբնայա հրապարակում։ Հուշարձանի հեղինակներն են քանդակագործ Անատոլի Բիչուկովը, ճարտարապետ Անատոլի Կլիմոչկինը։ Հուշարձանի ընդհանուր բարձրությունը 32,5 մետր է[1]։ Հուշարձանը պատկանում է «քաղաքային քանդակ» կատեգորիային[2]։
Նկարագրություն[խմբագրել | խմբագրել կոդը]
Հուշարձանը նման է հայտնի Ալեքսանդրի սյանը, որը կանգնած է Սանկտ Պետերբուրգի Դվորցովայա հրապարակում[3]։ Այն կարմիր ողորկ գրանիտից պատրաստված բարձր սյուն է։ Սյունը պսակվում է բրոնզե դորական խոյակով, որի վրա կանգնած է Սուրբ Գևորգի բրոնզե քանդակը, որը նիզակով խոցում է օձին։ Սյան հիմքում գրանիտե պատվանդան է, որի չորս նիստերից յուրաքանչյուրին բրոնզե խորաքանդակներ են[4]։
«Պիետա» խորաքանդակի դիմերեսին պատկերված է սգավոր մայրը, որը ձեռքերին պահել է զոհված որդուն։ Շուրջը կանգնած են զինվորներ։ Ավելի վեր` սյան դիմերեսին, վրադիր բրոնզե տառերով արված է հետևյալ մակագրությունը. «Շնորհակալ Ռուսաստանը` ծառայողական պարտականությունների կատարման ժամանակ զոհված իրավապահ զինվորներին»[4]։
Ըստ քանդակագործ Անատոլի Բիչուկովի` այս հուշարձանով ինքը ցանկացել է փոխանցել այն միտքը, որ «Ռուսաստանը հզոր է և մեծ, կա և կլինի»[3]։ Հուշարձանը ծառայել է Մոսկվայի միջազգային կինոփառատոնի մրցանակի նախատիպ[5]։
Ամեն տարի նոյեմբերի 10-ին Ներքին գործերի մարմինների աշխատողի օրը հուշարձանի մոտ ծաղիկներ են տեղադրվում։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ “Я бы все свои работы переделал”(չաշխատող հղում) // «Щит и меч» от 10-16 апреля 2003
- ↑ Вестник Мэра и Правительства Москвы № 65 ноябрь 2011 (2189)(չաշխատող հղում)
- ↑ 3,0 3,1 Орлов С. Анатолий Бичуков — поиск монументального стиля // Декоративное искусство. — 2004. — No 5—6. — С. 58: ил. — ISSN 01303031
- ↑ 4,0 4,1 Памятник сотрудникам внутренних дел, солдатам правопорядка, погибшим при исполнении служебного долга // Узнай Москву
- ↑ Скульптор Анатолий Бичуков отметил 70-летие(չաշխատող հղում) // Телеканал «Культура». 26.05.2004
Գրականություն[խմբագրել | խմբագրել կոդը]
- Памятники монументального искусства Москвы: справ. изд. / Департамент культурного наследия г. Москвы. — М.: ООО «Милк Эдженси», 2016. — 404 с.: с. 264. ISBN 978-5-9907078-1-8.