Խրիսոպիա Դևետցի

Վիքիպեդիայից՝ ազատ հանրագիտարանից
Jump to navigation Jump to search
Խրիսոպիա Դևետցի
Piyi Devetzi worldcup2006.jpg
Անձնական տեղեկություն
Սեռ` իգական
Ազգություն` հույն
Մասնագիտացում` թեթևատլետ
Երկիր` Flag of Greece.svg Հունաստան
Ծննդյան ամսաթիվ` հոկտեմբերի 2, 1976(1976-10-02) (42 տարեկան)
Ծննդավայր` Ալեքսանդրուպոլիս, Արևելյան Մակեդոնիա և Թրակիա, Մակեդոնիայի և Թրակիայի ապակենտրոնացված վարչատարածք, Հունաստան
Հասակ` 170 սմ
Քաշ` 57 կգ

Խրիսոպիա Դևետցի (հունարեն՝ Χρυσοπηγή Δεβετζή, հոկտեմբերի 2, 1976(1976-10-02), Ալեքսանդրուպոլիս, Արևելյան Մակեդոնիա և Թրակիա, Մակեդոնիայի և Թրակիայի ապակենտրոնացված վարչատարածք, Հունաստան), հույն[1] թեթև ատլետ, որ հանդես է եկել եռացատկ ու հեռացատկ մարզաձևերում։ 2004 թվականի Օլիմպիական խաղերի արծաթե մեդալակիր և 2008 թվականի Օլիմպիական խաղերի բրոնզե մեդալակիր եռացատկում։

Կարիերա[խմբագրել | խմբագրել կոդը]

Մանկության տարիներին Խրիսոպիա Դևետցին տարված է եղել մարմնամարզությամբ, սակայն ավելի ուշ սկսել է զբաղվել թեթև ատլետիկայով։ 2002 թվականի Եվրոպայի առաջնությունում Խրիսոպիա Դևետցին զբաղեցրել է յոթերորդ տեղը, իսկ 2003 թվականի աշխարհի առաջնությունում՝ ութերորդ տեղը։

2004 թվականի թեթև ատլետիկայի ձմեռային առաջնությունում Խրիսոպիա Դևետցին, ցույց տալով 14,73 մետր արդյունք, արժանացել է բրոնզե մեդալի՝ զիջելով Ռուսաստանի ներկայացուցիչ Տատյանա Լեբեդևային ու Սուդանը ներկայացնող Յամիլե Ալդամային։

2004 թվականին Աթենքում անցկացվելիք Օլիմպիական խաղերի եռացատկի որակավորման փուլում Խրիսոպիա Դևետցին ցատկել է 15,32 մետր՝ սահմանելով Հունաստանի ռեկորդ․ դա չորրորդ արդյունքն է եռացատկի պատմության մեջ։ Եզրափակչում նա ցատկել է 15,25 մետր և զբաղեցրել երկրորդ տեղը և արժանացել արծաթե մեդալի՝ հետ մնալով միայն Կամերունը ներկայացնող Ֆրանսուազա Մբանգո Էտոնին (15,30 մ)։

2005 թվականի աշխարհի առաջնության ժամանակ Խրիսոպիա Դևետցին զբաղեցրել է հինգերորդ տեղը՝ ցատկելով 14,64 մետր։ 2006 թվականի Եվրոպայի առաջությունում Խրիսոպիա Դևետցին ցատկել է 15,05 մետր և արժանացել արծաթե մեդալի․ առաջին տեղը զբաղեցրել է Տատյանա Լեբեդևան, ով վերջին փորձի ժամանակ ցույց է տվել ավելի բարձր արդյունք։ 2007 թվականին Օսակայում անցկացված թեթև ատլետիկայի աշխարհի առաջնությունում Խրիսոպիա Դևետցին ցատկել է 15,04 մետր և վաստակել բրոնզե մեդալ։

2008 թվականին Պեկինում անցկացված Օլիմպիական խաղերի ժամանակ Խրիսոպիա Դևետցին կրկին արժանացել է բրոնզե մեդալի՝ ցատկելով 15,23 մետր։ Այս անգամ նա զիջել է Ֆրանսուազա Մբանգո Էտոնին (15,39 մ) ու Տատյանա Լեբեդևային (15,32 մ)։ Այդ խաղերից հետո նա ավարտել է իր մարզական կարիերան։

Ծանոթագրություններ[խմբագրել | խմբագրել կոդը]

  1. «IAAF Athlete Profile»։ IAAF.org։ Վերցված է January 2, 2014 

Արտաքին հղումներ[խմբագրել | խմբագրել կոդը]