Խնձորուտի եկեղեցի
| Խնձորուտի եկեղեցի | |
|---|---|
| Հիմնական տվյալներ | |
| Տեսակ | եկեղեցի |
| Երկիր |  Հայաստան |
| Տեղագրություն | Խնձորուտ |
| Տարածաշրջան | Տավուշի մարզ |
| Դավանանք |  Հայ Առաքելական եկեղեցի |
| Թեմ | Տավուշի թեմ |
Խնձորուտի եկեղեցի, Հայ առաքելական եկեղեցու տաճար Հայաստանի Տավուշի մարզում գտնվող միջնադարյան Խնձորուտ գյուղատեղում, որը գտնվում է Առաքելոց վանքից ոչ հեռու, դեպի հյուսիս-արևելք։ Առաքելոց վանքի հետ կապված Է եղել գյուղամիջի ճանապարհով, որը մինչև այժմ Էլ նկատելի է։ Գյուղատեղի կենտրոնում, բարձունքի վրա մինչև այժմ կանգուն է 13-րդ դարում կառուցված գողտրիկ եկեղեցին։ Այն որձաքարերով շարված թաղածածկ շինություն է։ Եկեղեցուց բացի պահպանվել Է նաև շատ ուշագրավ մի խաչքար, որը տեղացիները անվանում են “Բեմ”։ Գտնվում Է եկեղեցուց 50 մետր դեպի հյուսիս։ Խաչքարի կամարաձև շրջանակին, ճակատին, խաչթևերի միջև ու ներքևի մասում կան տարբեր տառաձևերով փորագրված մի քանի արձանագրություններ։ Դրանցից մեկում հիշատակված Է իշխան Սադունի երկրորդ որդու՝ Պապակի, իսկ խաչթևերից ներքև՝ խաչքարն ստեղծող Յոհաննես վարպետի անունները։
Տես նաև[խմբագրել | խմբագրել կոդը]
Գրականություն[խմբագրել | խմբագրել կոդը]
- Ի.Բ. Էլլարյան, Աղստևի հովտի պատմության և կուլտուրայի հուշարձաններ, Երևան, «Հայաստան», 1980 — 69, էջեր 69 — 154 էջ։