Խնձորը գետում
 լատիշ․՝ Ābols upē | |
|---|---|
| Երկիր |  ԽՍՀՄ Լատվիա |
| Ժանր | դրամա |
| Թվական | 1974 |
| Լեզու | ռուսերեն և լատիշերեն[1] |
| Ռեժիսոր | Այվարս Ֆրեյմանիս |
| Դերակատարներ | Իվար Կալնինշ |
| Երաժշտություն | Պետերիս Պլակիդիս |
| Կինոընկերություն | Ռիգայի կինոստուդիա |
| Տևողություն | 74 րոպե |
«Խնձորը գետում» (լատիշ․՝ Ābols upē), ռեժիսոր Այվար Ֆրեյմանիսի գեղարվեստական ֆիլմը[2], որը նա նկարահանել է սեփական սցենարով Ռիգայի կինոստուդիայում 1974 թվականին։ Համամիութենական պրեմիերան կայացել է 1976 թվականի օգոստոսի 16-ին։
Ֆիլմը նկարահանվել է քվազիդոկումենտալ ոճով՝ ռեժիսորի մտածած, բայց չնկարահանված «Գետ» վավերագրական ֆիլմի սցենարի հիման վրա և փորձ է՝ հետևելու ժամանակակից պայմաններում Ռիգայի կղզիներից մեկի բնակիչների կենցաղի փոփոխություններին[3]։
Սյուժե[խմբագրել | խմբագրել կոդը]
Երիտասարդ դոկերը, որն ապրում է Ռիգայի Զակյուսալա կղզում, Ռիգայի ՀԷԿ-ի ամբարտակի շինարարության շրջանում հնագիտական պեղումների վայրում ծանոթանում է փոքրիկ ձկնորսական գյուղից Ռիգա ժամանած ուսանողուհի Անիտայի հետ։ Աղջիկը ընդունում է իրեն դուր եկած երիտասարդի հրավերը՝ երեկոն անցկացնել ակումբում, որտեղ նա նվագում է ինքնագործ վոկալ-գործիքային անսամբլում։ Պարերից հետո նրանք գնում են Յանիսի տուն, բայց հաջորդ օրը Անիտան անսպասելիորեն վերադառնում է տուն։ Յանիսի բոլոր փորձերը՝ գտնել նրան Ռիգայի իր հարազատների բնակարանում, ավարտվում են անհաջողությամբ։ Որոշ ժամանակ անց աղջիկն ինքն է գտնում Յանիսին և հայտնում իր հղիության մասին։ Յանիսը նրան առաջարկում է տեղափոխվել իր մոտ՝ վերջերս ստացած բնակարան։ Նրա առաջարկը համարելով խղճահարության հետևանք՝ Անիտան մերժումով է պատասխանում։
Դերերում[խմբագրել | խմբագրել կոդը]
- Իվար Կալնինշ – Յանիս
- Ակվելինա Լիվմանե – Անիտա
Նկարահանող խումբ[խմբագրել | խմբագրել կոդը]
- Սցենարիստ և բեմադրող ռեժիսոր՝ Այվարս Ֆրեյմանիս
- Բեմադրող օպերատոր՝ Դավիս Սիմանիս
- Կոմպոզիտոր՝ Պետերիս Պլակիդիս
Ծանոթագրություններ[խմբագրել | խմբագրել կոդը]
- ↑ Freebase տվյալների վերբեռնում — Google.
- ↑ «Ābols upē». Kino Muzej. Վերցված է 2012 թ․ դեկտեմբերի 22-ին.(չաշխատող հղում)
- ↑ «Latvijas filmas - Nacionālais Kino Centrs». Արխիվացված է օրիգինալից 2012 թ․ հունվարի 2-ին. Վերցված է 2011 թ․ դեկտեմբերի 22-ին.
|
