Խեսուս Ասևես
Խեսուս Ասևես | |
---|---|
Ծնվել է | 1968 |
Ծննդավայր | Չալմա, Սակատեկաս |
Քաղաքացիություն | ![]() |
Մասնագիտություն | կրկեսի դերասան |
Խեսուս «Չույ» Ասևես (իսպ.՝ Jesus “Chuy” Aceves 1968, Չալմա, Սակատեկաս), մեքսիկացի տղամարդ, ով տառապում է եզակի անոմալ հիվանդությամբ՝ հիպերտրիխոզով։ Հիպերտրիխոզը հիվանդություն է, որն արտահայտվում է մազերի աճի առատությամբ, բնորոշ չէ մաշկի տվյալ հատվածին և չի համապատասխանում սեռին և/կամ տարիքին։
Խեսուսը ծնվել է Մեքսիկայի Սակատեկաս նահանգի Լորետո շրջանում։ Նա եղել է ընտանիքի երկրորդ անդամը, ով տառապել է այս եզակի հիվանդությամբ։ Նրա դեմքը պատված է մազերով, որի պատճառով նրան նմանեցնում են լեգենդար Մարդագայլին կամ էլ որոշների կարծիքով՝ կապկամարդուն։ Կրկեսի արտիստը ամուսնացած է և ունի երկու դուստր, որոնցից մեկը նույնպես ունի այս «առանձնահատկությունը»։ Նրա քույրը` Լիլին, նույնպես ծնվել է այս հիվանդությամբ։ Վերջինս ամուսնացած է, ունի մեկ որդի և աշխատում է Մեխիկոյի ոստիկանական բաժանմունքներից մեկում։ Ընտանիքում շատերը հավատում են, որ իրենք լեգենդար Խուլիա Պաստրանայի ժառանգներն են, ով ստացել էր «կապիկների դուստր» մականունը[1]։
2005 թվականին Ասևեսը առաջին անգամ սափրվել է ԲիԲիՍիի «Հեշտ չէ լինել գայլ տղա» (անգլ.՝ It’s Not Easy Being a Wolf Boy) փաստագրական ֆիլմում[2]։ Նա սափրվել էր՝ հույս ունենալով ստանալ մշտական աշխատանք իր բնակավայրում և երկարատև ժամանակով չլքել ընտանիքը։ Սակայն մշտական աշխատանքի համար վճարվող աշխատավարձը այդքան բարձր չէր, որքան գարշելիների շոուում կամ կրկեսում ստացած վարձատրությունը։ Ներկայումս Չույը աշխատում է «Վարգաս» կրկեսի կուլիսներում։
2007 թվականին Չույը ներառվել է Գինեսի ռեկորդների և Ripley’s Believe It or Not! գրքերում։
Աշխատանքը հեռուստատեսությունում
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
2001 | ս | Super sabado sensacional | Մարդագայլ | |
2003 | ս | Ripley’s Believe It or Not! | Չույ | |
2004 | ս | Մարդկային մուտանտներ | Human Mutants | Չույ |
2005 | ֆ | Հեշտ չէ լինել գայլ տղա | It’s Not Easy Being a Wolf Boy | կամեո |
2005 | ս | Medical Incredible | կամեո | |
2006 | ս | The Maury Povich Show | կամեո | |
2008 | ֆ | Sideshow Still Alive | Չույ | |
2008 | ս | The World's... and Me | կամեո | |
2008 | ս | Weird, True & Freaky | կամեո | |
2014 | ֆ | Chuy, El hombre lobo | Չույ |
Ծանոթագրություններ
[խմբագրել | խմբագրել կոդը]- ↑ McCrum, Kirstie (2015 թ․ սեպտեմբերի 1). «'Wolf Man' shares the tortured story of his life and his family». mirror. Վերցված է 2018 թ․ մարտի 31-ին.
- ↑ Lentati, Sara (2015 թ․ սեպտեմբերի 1). «The struggles of the world's hairiest family». BBC News (բրիտանական անգլերեն). Վերցված է 2018 թ․ մարտի 31-ին.
Արտաքին հղումներ
[խմբագրել | խմբագրել կոդը]- Хесус Асевес Internet Movie Database կայքում
|