Խաղաղության հրեշտակ

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Խաղաղության հրեշտակ
Muenchen- Friedensenangel.JPG
տեսակհուշարձան
քաղաքՄյունխեն
պատվիրատուQ1293262?
Friedensengel Վիքիպահեստում

«Խաղաղության հրեշտակ» (գերմ.՝ Friedensengel) բրոնզե արձան Մյունխենի Բոգենհաուզեն շրջանում։ Այն նախագծել են նկարիչներ Հենրիխ Դյուլը, Գեորգ Պեիզոլդը և Մաքս Հեյլմայերը[1]։

Պատմություն[խմբագրել | խմբագրել կոդը]

«Խաղաղության հրեշտակը» Մաքսիմիլիանա (գերմ.՝ Maximiliansanlagen) զբոսայգու մի մասն է և կենտրոնական կետ է Պրինցրեգենտենստրասը կազմող տեսադաշտի արևելյան կողմում։ Երկու աստիճան տանում է դեպի դիտակետը։ Այդտեղ տեղակայված է 38 մետր բարձրությամբ Կորթնական ոճով մի սյուն, որի գագաթին «Խաղաղության հրեշտակի» վեցմետրանոց արձանն է։ Այդ աշխատանքը քանդակագործ Պեոնիուսի կողմից հաղթանակի հունական աստվածուհի Նիկեի արձանի կրկնօրինակն է։ Աջ ձեռքում նա պահում է ձիթապտղի ճյուղ՝ որպես խաղաղության խորհրդանիշ, ձախ ձեռքում՝ պալադիում, որը կանգնած է գնդակի վրա[2]։

Ամբողջ հուշահամալիրը նվիրված է 1870-1871 թվականների Ֆրանկո-պրուսական պատերազմի ավարտին հաջորդած խաղաղության համաձայնագրի 25-ամյակին։ Հուշահամալիրի փոքրիկ տաճարում պատկերված են գերմանացի կայսրեր Վիլհելմ I- ի, Ֆրիդրիխ III- ի, Վիլհելմ II- ի, Բավարիայի տիրակալներ Լյուդվիգ II-ի, Օտտօ-ի և Լուիտպոլդ-ի, կանցլեր Օտտօ ֆոն Բիսմարկ-ի, ինչպես նաև գեներալներ Հեմլուտ ֆոն Մոլտկե-ի, Ալբերխտ ֆոն Ռոն-ի, Լյուդվիգ ֆոն դեր Տոնն-ի դիմանկարները։ Տաճարի սրահում կան ոսկե խճանկարներ, որոնք պատկերում են պատերազմի և խաղաղության այլաբանությունները, մշակույթի հաղթանակներն ու օրհնությունները։

Հիմքը դրվել է 1896 թվականի մայիսի 10-ին․ հուշահամալիրի բացումը տեղի է ունեցել 1899 թվականի հուլիսի 16-ին։

Վայր ընկնելու վտանգի պատճառով հրեշտակը ապամոնտաժվել է 1981 թվականին։ Ապամոնտաժումը պատշաճ կերպով չի իրականացվել, ուստի անհրաժեշտ էր բրոնզե կազմվածքի ընդարձակ վերականգնում։ Վերականգնումից հետո 1983 թվականին արձանը կրկին տեղադրվել է սյան վրա, մեկ ոտքն ու երկու թևերը նորացվել են։ Ստատիկ պատճառներով թևերի դիրքը համեմատած նախնական վիճակի հետ ավելի կտրուկ է դարձել։ Հուշահամալիրի հարյուրամյակին՝ 1999 թվականին «Խաղաղության հրեշտակը» կրկին նորոգվե է և ոսկեզօծվել։

Ծանոթագրություններ[խմբագրել | խմբագրել կոդը]

  1. Michaela März-Lehmann։ «Pfarrbrief St. Georg» (գերմաներեն)։ Վերցված է 2020-02-10 
  2. Norbert Götz Friedensengel. Bausteine zum Verständnis eines Denkmals der Prinzregentenzeit.. — Eine Ausstellung des Münchner Stadtmuseums in Zusammenarbeit mit dem Architekturmuseum der Technischen Universität München vom 17. Dezember 1999 bis 26. März 2000. — Wolfratshausen, 1999. — ISBN 3-932353-32-3

Գրականություն[խմբագրել | խմբագրել կոդը]

  • Ekkehard Bartsch: The Prince Regent Street in Munich from 1880-1914 between Prince Charles and Angel of Peace Palace. Munich 1979th
  • Georg Lill: Max Heilmaier Ein deutscher Bildhauer. München 1922.