Խաբուր, գետ Թուրքիայում և Սիրիայում, Եփրատի ձախ վտակը։ Երկարությունը 486 կմ է, ջրհավաք ավազանը՛ 33150 կմ2։ Սկիզբ է առնում Ղարաջադաղի հարավային լանջից, 1789 մ բարձրությունից։ Հոսում է ոչ խոր, 2 կմ լայնությամբ հովտով, Բուսեյրա գյուղի մոտ միանում Եփրատին։ Ունի խառը սնում։ Հորդանում է փետրվար-մարտին։ Տարեկան միջին ծախսը 64 մ3/վրկ է, տարեկան հոսքը՝ 2, 02 միլիարդ մ3։ Օգտագործվում է ոռոգման համար։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։
Թուրքիա, 
Սիրիա
