Լևոն Տեր-Հովսեփյան

Վիքիպեդիայից՝ ազատ հանրագիտարանից
Jump to navigation Jump to search
Լևոն Տեր-Հովսեփյան
Ծնվել է 1878
Մահացել է 1943
Ազգություն հայ
Մասնագիտություն հեղափոխական

Լևոն Տեր-Հովսեփյան Հովսեփի (1878, Երևան-1943, Երևան), բանվոր հեղափոխական, Անդրկովկասում հեղափոխական շարժումների մասնակից։ ԽՄԿԿ անդամ 1920 թվականից։ 1895 թվականից աշխատել է Բաքվի մեխանիկական արհեստանոցներում։

1901 թվականից ակտիվ մասնակցություն է ունեցել Բալախանիում ՌՍԴԲԿ խմբակների կազմակերպման աշխատանքներին։ 1902 թվականին ձերբակալվել է և ութ ամսվա կալանքից հետո արտաքսվել Երևան։ Եղել է Երևանի առաջին ս-դ․ խմբակի (ստեղծված 1901 թվականի վերջին) անդամ։ Ակտիվ հեղափոխական աշխատանք է կատարել բանվորների շրջանում։ Բազմիցս ձերբակալվել և աքսորվել է, երկու անգամ՝ 1911 թվականինև 1914 թվականին դատապարտվել է դաժանակիր աշխատանքի։ Ազատվել է 1917 թվականի Փետրվարյան հեղափոխությունից հետո։ Մասնակցել է 1920 թվականի մայիսյան ցույցերին, 1921 թվականի դաշնակցական փետրվարյան խռովության ճնշմանը՝ Ղամարլուի (Արտաշատ) ռազմաճակատում։ Ընտրվել է կոմբջջի քարտուղար։ 1922 թվականից աշխատել է խորհրդային և արհմիութենական մարմիններում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 673 CC-BY-SA-icon-80x15.png