Լևոն Թավադյան

Վիքիպեդիայից՝ ազատ հանրագիտարանից
Jump to navigation Jump to search
Լևոն Թավադյան
Ծնվել էհունիսի 9, 1951(1951-06-09) (68 տարեկան)
Երևան, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Ազգությունհայ
Մասնագիտությունֆիզիկական քիմիա, քիմիկոս և ֆիզիկոս
Ալմա մատերԵրևանի պետական համալսարան
Գիտական աստիճանքիմիական գիտությունների դոկտոր (1988) և ակադեմիկոս (2014)
ՊարգևներՀայաստանի Հանրապետութեան գիտության վաստակավոր գործիչ և Գարեգին Նժդեհ մեդալ

Լևոն Աղասու Թավադյան (հունիսի 9, 1951(1951-06-09), Երևան, Հայկական ԽՍՀ, ԽՍՀՄ), հայ ֆիզ-քիմիկոս: Քիմիական գիտությունների դոկտոր (1988), ՀՀ ԳԱԱ թղթակից անդամ (2010), ՀՀ ԳԱԱ ակադեմիկոս (2014): ՀՀ գիտության վաստակավոր գործիչ (2014):

Կենսագրություն[խմբագրել | խմբագրել կոդը]

Լևոն Թավադյանը ծնվել է Երևանում: 1973 թվականին ավարտել է Երևանի պետական համալսարանը: 1985 թվականից աշխատել է ՀՀ ԳԱԱ Ա. Բ. Նալբանդյանի անվան Քիմիական ֆիզիկայի ինստիտուտում, եղել է լաբորատորիայի վարիչ, 2011 թվականից՝ նույն ինստիտուտի բաժնի վարիչ, 2006 թվականից ինստիտուտի տնօրեն: 2011 թվականից ՀՀ ԳԱԱ նախագահության անդամ է, ՀՀ ԳԱԱ քիմիական և երկրի մասին գիտությունների բաժանմունքի ակադեմիկոս-քարտուղար[1]:

Աշխատանքները վերաբերում են լուծույթում ընթացող ազատ ռադիկալային ռեակցիաներին, օրգանական միացությունների հեղուկաֆազային օքսիդացման ռեակցիաների կատալիզին և արգելակմանը, քիմիական շարժընթացների մաթ. մոդելավորմանը:

Անդամակցություն[խմբագրել | խմբագրել կոդը]

  • Ամերիկյան քիմիական ընկերության անդամ:
  • Եվրոֆեդլիպիդ միջազգային ընկերության անդամ:
  • Մոսկվայի պետական համալսարանի և ՌԳԱ Ն. Ն. Սեմյոնովի անվան Քիմիական ֆիզիկայի ինստիտուտի միջազգային գիտակրթական կենտրոնի գիտխորհրդի անդամ:

Պարգևներ[խմբագրել | խմբագրել կոդը]

  • ՀՀ ԿԳՆ Գիտության պետական կոմիտեի ոսկե մեդալ (2011)
  • ՌԳԱ և Լոմոնոսովի անվան Մոսկվայի պետական համալսարանի կողմից «Ակադեմիկոս Ն. Մ. Էմանուելի հիշատակի» շքանշան (2012)
  • ՀՀ զինված ուժերի «Գարեգին Նժդեհ» մեդալ (2013)
  • Բելառուսի գիտությունների ազգային ակադեմիայի 80-ամյակի հոբելյանական մեդալ (2013)
  • ՀՀ գիտության վաստակավոր գործիչ (2014)

Երկեր[խմբագրել | խմբագրել կոդը]

  • Թավադյան Լ. Ա., Բազմակենտրոն շղթայական քիմիական ռեակցիաների ընտրողական արգելակման երևույթի հայտնագործմանը, ԽՍՀՄ հայտնագործությունների պետական գրանցամատյան, 1987 (համահեղինակ):
  • Тавадян Л. А., Анализ кинетических моделей химических реакционных систем. Ценностный подход, Ереван, 2005 (համահեղինակ).
  • Tavadyan L. A., Tocopherol Concentration and Antioxidant Efficacy, AOCS Press, 2008.

Ծանոթագրություններ[խմբագրել | խմբագրել կոդը]

  1. Armenia National Academy of Sciences of։ «National Academy of Sciences of Armenia»։ www.sci.am։ Վերցված է 2016-11-25