Լևան Բերիանիձե

Վիքիպեդիայից՝ ազատ հանրագիտարանից
Jump to navigation Jump to search
Լևան Բերիանիձե
Անձնական տեղեկություն
Սեռ`արական
Մասնագիտացում`ըմբիշ
Երկիր`Flag of Armenia.svg Հայաստան
Ծննդյան ամսաթիվ`հոկտեմբերի 10, 1990(1990-10-10) (29 տարեկան)
Ծննդավայր`Թբիլիսի, ԽՍՀՄ

Լևան Բերիանիձե (վրաց.՝ ლევან ბერიანიძე, հոկտեմբերի 10, 1990(1990-10-10), Թբիլիսի, ԽՍՀՄ), հայ ազատ ոճի ըմբիշ՝ վրացական ծագումով, 2010 թվականի աշխարհի առաջնության բրոնզե մեդալակիր, աշխարհի պատանեկան առաջնության բրոնզե մեդալակիր:

Սպորտային կենսագրություն[խմբագրել | խմբագրել կոդը]

Բերիանիձեի կարիերայում պատանեկան մակարդակում կարևոր ձեռքբերումները տեղի են ունեցել 2008 թվականից: Մեկ մրցաշրջանի ընթացքում երիտասարդ վրացի ըմբիշը դարձավ աշխարհի և Եվրոպայի պատանիների առաջնության բրոնզե մեդալակիր: 2010 թվականին Լևանը հասավ ամենամեծ հաջողությունների: Մոսկովյան Աշխարհի Առաջնությունում Բերիանիձեն կարողացավ հասնել կիսաեզրափակիչ փուլ, որտեղ զիջեց ռուս մարզիկ Բիլյալ Մախովին: 3-րդ տեղի համար համառ պայքարում Լևանը պարտության մատնեց հունգարացի Դանիել Լիգետիին և դարձավ Աշխարհի Առաջնության բրոնզե մեդալակիր: 2011 թվականին Բերիանիձեն հանդես եկավ մի շարք միջազգային մրցույթներում, ընդ որում նրան հաջողվեց դառնալ Աշխարհի չեմպիոն լողափնյա ըմբշամարտում:

Քաշային խնդիրների պատճառով նա հաճախ չէր կարողանում ընդգրկվել ամենածանր քաշային կարգում: Այդ պատճառով Լևանը որոշում կայացրեց կենտրոնանալ սումոյում հանդես գալու վրա, որտեղ նրա քաշը հասել էր 160 կգ[1]-ի: 2014 թվականին նա վերադարձավ ըմբշամարտ: 2014 թվականի նոյեմբերի 26-ին ՀՀ նախագահի հրամանով Բերիանիձեն ստացավ Հայաստանի Հանրապետության քաղաքացիություն[2], և ազատվեց զինվորական ծառայությունից:

ՀՀ դրոշի ներքո առաջին նշանակալից սկիզբը Բերիանիձեի համար եղավ Ալեքսանդր Մեդվեդի մրցաշարում, Մինսկում, որտեղ նա հանդես եկավ անհաջող՝ գրավելով միայն 20-րդ տեղը: Բաքվում կայացած առաջին Եվրոպական խաղերի ժամանակ Լևանը քառորդ եզրափակիչում զիջեց Ալեքսեյ Շեմարովին: Այն բանից հետո, երբ բելառուս մարզիկն անցավ եզրափակիչ, Լևանը բրոնզե մեդալի հնարավորություն ստացավ: Մրցույթի առաջին ռաունդում նա հաղթեց գերմանացի Նիկ Մատյուխինին, բայց որոշիչ մենամարտում պարտվեց հայրենակից Գենո Պետրիաշվիլիին և գրավեց 5-րդ հորիզոնականը: 2015 թվականին Բերիանիձեն մրցույթի առաջին ռաունդում նորից հաղթեց Նիկ Մատյուխինին, բայց արդեն երկրորդ մենամարտում պարտվեց ապագա չեմպիոն Տախե Ակգյուլին: Վստահ անցնելով մրցաշարի 2 ռաունդը, Լևանը բրոնզե մեդալի համար մենամարտում հանդիպեց Բիլյալ Մախովին: Խաղի ժամանակ համառ պայքար չստացվեց, և ռուս մարզիկը հաղթեց 11:0 հաշվով: Բոլոր չեմպիոնատների վերջնական արդյունքում Լևանը զբաղեցրեց 5-րդ տեղը՝ բերելով Հայաստանի հավաքականի համար առաջին օլիմպիական արտոնագիրը ազատ ոճի ըմբշամարտում[3]:

Ծանոթագրություններ[խմբագրել | խմբագրել կոդը]

  1. Сборная Армении укрепилась грузинским тяжеловесом
  2. Грузинского борца-вольника освободили от службы в армянской армии
  3. Rio 2016

Արտաքին հղումներ[խմբագրել | խմբագրել կոդը]