Լրաբեր (թերթ, Աստրախան)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Լրաբեր (այլ կիրառումներ)

Լրաբեր, շաբաթաթերթ։ Լույս է տեսել 1908-1909 թվականներին, Աստրախանում։ Խմբագիր-հրատարակիչ՝ Կ. Խաչատրյան։ Լուսաբանել է ժամանակի հասարակական-քաղաքական հրատապ հարցերը, անդրադարձել քաղաքի կյանքին, կարևոր տեղ հատկացրել երիտասարդ սերնդի կրթությանն ու դաստիարակությանը։

Քննադատել է Պետական դումայի գործունեությունը, արտացոլել գաղթօջախի հասարակական կյանքը։ «Արտաքին տեսություն» բաժնում տեղեկություններ է հաղորդել տարբեր երկրների քաղաքական կացության մասին, բացահայտել երիտթուրքերի շովինիստական դիրքորոշման էությունը։

Գրական-բանասիրական հոդվածներով «լրաբեր» անդրադարձել է Խաչատուր Աբովյանի, Միքայել Նալբանդյանի, Հովհաննես Հովհաննիսյանի և ուրիշների հասարակական ու գրական գործունեությանը, տպագրել Ալեքսանդր Ծատուրյանի և Վահան Տերյանի բանաստեղծությունները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 673 CC-BY-SA-icon-80x15.png