Լուկինների տուն (Տագանրոգ)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Լուկինների տուն
Таганрог Глушко 15 фото 0141.jpg
Տեսակշենք
ԵրկիրFlag of Russia.svg Ռուսաստան
ՏեղագրությունՏագանրոգ
Առաջին հիշատակում1827
Հիմնադրված է1910
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 47°12′46.980000100009″ հս․ լ. 38°55′37.8480001″ ավ. ե. / 47.21305000002777774° հս․. լ. 38.927180000028° ավ. ե. / 47.21305000002777774; 38.927180000028

Լուկինների տուն (ռուս.՝ Дом Лукиных), տեղական նշանակության ճարտարապետության հուշարձան Ռուսաստանի Ռոստովի մարզի Տագանրոգ քաղաքում։ Գտնվում է Անտոն Գլուշկոյի նրբանցք, 15 հասցեում[1]։

Պատմություն[խմբագրել | խմբագրել կոդը]

Պատմական աղբյուրները վկայում են, որ ժամանակակից Անտոն Գլուշկոյի նրբանցք, 15 հասցեի տունը գոյություն է ունեցել դեռևս 1827 թվականին[1]։ Այնուհետև, հայտնի չէ թե ինչ պատճառներով, այն քանդվել է և կրկին կառուցվել 1910-ական թվականներին։ Այդ ժամանակ երկհարկանի առանձնատան սեփականատեր էր Լուկինների ընտանիքը։ Վիճակագրական տվյալների համաձայն՝ շենքը գնահատվել է 28 հազար ռուբլի[2]։

Վասիլի Պավլովիչ Լուկինը 19-րդ դարի վերջին ղեկավարել է քաղաքային ծավագնացության դասընթացները և դարձել է «Նավագնացություն» գրքի հեղինակը, որը նավաստիներն օգտագործում էին որպես ձեռնարկ։ 20-րդ դարի սկզբին նա Քաղաքային դումայի իրավասու էր և Դոնի հողային բանկի վարչության նախագահ[3]։ Հաճախ աշխատանքային հարցերով այցելել է Սանկտ Պետերբուրգ։ Մահացել է Կիևում 1919 թվականին[2]։ Նրա կինը՝ Սոֆյա Անդրեևնա Լուկինան, 1908 թվականին կազմակերպել է «Մի կաթիլ կաթ» մանկական խոհանոց, իսկ 1914 թվականին բացել է քաղաքում առաջին մանկապարտեզը[3]։ Դրա հետ մեկտեղ նա աշխատել է որպես դասախոս մասնավոր սկզբնական III կարգի ուսումնարանում։ Լուկինների ընտանիքում կար մի քանի երեխա։ Դուստրը՝ Վերա Վասիլևնան, ամուսնությունից հետո՝ Քսինտարիս, ծնվել է 1892 թվականի օգոստոսի 10-ին։ Որդին՝ Կոնստանտին Վասիլևիչ Լուկինը, կրթություն է ստացել Սանկտ Պետերբուրգի էլեկտրատեխնիկական ինստիտուտում։ 1921 թվականին նա ամուսնացել է Եվգենյա Նիկոլաևնա Գրեկովայի հետ։ Ընտանիքի երրորդ երեխան էր Բորիս Վասիլևիչ Լուկինը[2]։

Հայտնի չէ, թե երբ է կառուցվել տան երրորդ հարկը, սակայն 1918 թվականի նոյեմբերի 7-ին Տագանրոգի թերթերից մեկում հայտարարություն է հայտնվել, որ Ֆրեյնեդի կոշկագործական արհեստանոցը, որը գտնվում էր Լուկինի տան երրորդ հարկում, վաճառվում է։ Տունն այս ընտանիքին պատկանել է մինչև 1925 թվականը։ Քաղաքացիական պատերազմի ժամանակ այստեղ է գտնվել Առաջին հեծելազորային բանակի հեծելազորի էսկադրոնների ձևավորման վարչությունը, իսկ 1933 թվականին տանը տեղադրվել են քաղաքային թանգարանի ցուցանմուշները[2]։ 1992 թվականից տունը, որպես ճարտարապետության հուշարձան, պաշտպանվում է օրենքով[1]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 Жилой дом
  2. 2,0 2,1 2,2 2,3 Гаврюшкин О. П. Г12 «По старой Греческой…» (Хроника обывательской жизни) — Т.: ООО «Издательство „Лукоморье“», 2012. — 514 с. — ISBN — 5-901565-15-0
  3. 3,0 3,1 Энциклопедия Таганрога