Լորենա ազգային անտառ
 Floresta Nacional de Lorena | |
|---|---|
| Տեսակ | ազգային անտառ |
| Կազմված է | Անտլանտյան անտառ |
| Երկիր |  Բրազիլիա |
| Վարչատարածք | Սան Պաուլու |
| Հիմնվել է | ապրիլի 10, 1934 |
| Մակերես | 281,41 հեկտար և 281 հեկտար |
| Կառավարում | Բրազիլիայի դաշնային կառավարություն |
  | |
Լորենա ազգային անտառ (պորտ.՝ Floresta Nacional de Lorena), ազգային անտառ Բրազիլիայի Սան Պաուլու նահանգում։ Այն պաշտպանում է Ատլանտյան անտառի համեմատաբար փոքր հատվածը։
Տեղագրություն[խմբագրել | խմբագրել կոդը]
Լորենա ազգային անտառը գտնվում է Սան Պաուլու նահանգի Լորենա մունիցիպալիտետում[1]։ Ունի 281.41 հա տարածք[2]։ Անտառն ունի Ատլանտյան անտառի ամենամեծ և ամենաբազմազան տարածքը մեծ հարթավայրում, որը հայտնի է Պարայիբա հովիտ անունով։ Այն սերմերի կարևոր աղբյուր է՝ ծառատեսակների գենետիկ բազմազանությունը պահպանելու համար։ Անտառը մասամբ շրջապատված է Լորենա քաղաքով և խոշոր եղջերավոր կենդանիների արոտավայրերով ու բրնձի դաշտերով։ Անտառն օգտագործվում է դպրոցականների և քաղաքի բնակիչների կողմից՝ որպես ավանդական հանգստյան գոտի։ Ամեն տարի անտառն ունի մոտ 2000 այցելու[3]։
Պատմություն[խմբագրել | խմբագրել կոդը]
Էստասաու Ֆլորեստալ էքշպերիմենտալ Էպիտասիու Սանտյագուն ստեղծվել է 1934 թվականի ապրիլի 10-ի՝ թիվ 24․104 հրամանագրով։ 1975 թվականի մայիսի 28-ի 6․209 օրենքով փոփոխվեց պահպանման միավորի կարգը։ 2001 թվականի հուլիսի18-ի թիվ 246 հրամանագիրը պահպանման միավորումը վերանվանեց Լորենա ազգային անտառ, որն ունի 249 հա տարածք՝ Լորենա մունիցիպալիտետում[3]։
Նպատակն է խթանել բնական ռեսուրսների ճիշտ կառավարումը, ապահովել ջրային ռեսուրսների, տեսարժան վայրերի, պատմական և հնագիտական տեղերի պահպանությունը, խրախուսել հիմնական և կիրառական գիտական հետազոտությունների զարգացումը, ինչպես նաև օժանդակել բնապահպանական կրթության, հանգստի կազմակերպման, ժամանցի և զբոսաշրջության ոլորտներին[3]։ Ազգային անտառը դասվում է Բնության պահպանության միջազգային միության VI կատեգորիային (բնական ռեսուրսի կայուն օգտագործմամբ պահպանվող տարածք)[4]։
Բրազիլիայի շրջակա միջավայրի և վերականգնվող բնական պաշարների ինստիտուտը (IBAMA) 2005 թվականի օգոստոսի 30-ին ստեղծել է խորհրդատվական խորհուրդ[3]։ Անտառը դարձել է պահպանման միավորումների՝ Մանտիկեյրա մոզայիկի մի մասը, որը ստեղծվել է 2006 թվականին[5]։ 2008 թվականի օգոստոսի 5-ին IBAMA-ն և Չիկո Մենդեսի կենսաբազմազանության պահպանության ինստիտուտը (ICMBio) սկսեցին հետաքննություն անցկացնել փայտանյութի ու ավազի արդյունահանման, վայրի կենդանիների անհետացման և տնկիների վաճառքի խախտումների վերաբերյալ[3]։ Անտառն այժմ կառավարվում է Չիկո Մենդեսի կենսաբազմազանության պահպանության ինստիտուտի կողմից[2]։ Կառավարման ծրագիրը հաստատվել է 2016 թվականի մայիսի 10-ին[3]։
Ծանոթագրություններ[խմբագրել | խմբագրել կոդը]
- ↑ FLONA de Lorena – ISA
- ↑ 2,0 2,1 «Flona de Lorena – ICMBio». Արխիվացված է օրիգինալից 2019 թ․ օգոստոսի 6-ին. Վերցված է 2019 թ․ օգոստոսի 6-ին.
- ↑ 3,0 3,1 3,2 3,3 3,4 3,5 FLONA de Lorena – ISA
- ↑ Unidade de Conservação ... MMA
- ↑ «o mosaico mantiqueira – Mosaico». Արխիվացված է օրիգինալից 2016 թ․ սեպտեմբերի 27-ին. Վերցված է 2019 թ․ օգոստոսի 6-ին.
Աղբյուրներ[խմբագրել | խմբագրել կոդը]
- Flona de Lorena (պորտուգալերեն), ICMBio: Chico Mendes Institute for Biodiversity Conservation, Արխիվացված է օրիգինալից 2016-09-13-ին, Վերցված է 2016-10-02-ին
- FLONA de Lorena (պորտուգալերեն), ISA: Instituto Socioambiental, Վերցված է 2016-10-02-ին
- o mosaico mantiqueira (պորտուգալերեն), Mosaico Mantiqueira, Արխիվացված է օրիգինալից 2016-09-27-ին, Վերցված է 2016-09-26-ին
- Unidade de Conservação: Floresta Nacional de Lorena (պորտուգալերեն), MMA: Ministério do Meio Ambiente, Վերցված է 2016-10-02-ին