Լիանա Նելլա-Պոտիրոպուլու

Վիքիպեդիայից՝ ազատ հանրագիտարանից
Jump to navigation Jump to search
Լիանա Նելլա-Պոտիրոպուլու
Ծնվել է1959
ԾննդավայրԱթենք, Հունաստան
ՔաղաքացիությունFlag of Greece.svg Հունաստան
ԿրթությունԱթենքի ճարտարագիտական համալսարան
Մասնագիտությունճարտարապետ
ԱմուսինDimitris Potiropoulos?

Լիանա Նելլա-Պոտիրոպուլու (1959, Աթենք, Հունաստան), Կոնստանտինոս և Սոֆիա Նելլաների դուստրը: Հունաստանի ազգային պոլիտեխնիկական համալսարանի Ճարտարապետության դպրոցի շրջանավարտ (1984 թվական): Ուսման ընթացքում նա երկու անգամ պարգևատրվել է «Նոյեմբերի 17-ի մրցանակով» (1982, 1983): Նա շարունակել է իր ուսումը ասպիրանտուրայում՝ 1985 թվականին ստանալով Փենսիլվանիայի համալսարանի ճարտարապետության մագիստրոսական աստիճան[1], իսկ ճարտարապետական տեսության գերազանցության համար արժանացել է «Ֆրանկ Մայլս Դեյի հիշատակի մրցանակին»:

1982-1989 թվականներին աշխատել է սկզբում պրոֆեսոր Պավլոս Միլոնասի գրասենյակում՝ որպես ուսանող, իսկ հետագայում՝ որպես ավագ ճարտարապետ՝ Ալեքսանդրոս Տոմպազիսի գրասենյակում:

1987 թվականին սկսեց համագործակցել իր կողակցի՝ ճարտարապետ Դիմիտրիս Պոտիրոպուլոսի հետ, իսկ 1989 թվականին նրանք ստեղծեցին իրենց սեփական Potiropoulos D+L Architects ընկերությունը: Նա բազմիցս պարգևատրվել է մրցանակներով և արժանացել է ճարտարապետական մրցումների պատվանշանների: Նրանց թվում են՝ 1-ին մրցանակ Սամոսի բնության պատմության թանգարանի համար, 3-րդ մրցանակ Մարուսիում T.E.E. (Հունաստանի տեխնիկական պալատ) կառույցի համալիրի համար, 2-րդ մրցանակ Աթենքի Նոր Ակրոպոլիսի թանգարանի համար, 1-ին մրցանակ Էկմետզոգլուի վերակառուցման համար, Վոլոսում մետաքսի գործարանը, Կահիրեում Մեծ եգիպտական թանգարանի հռչակը և այլն: Նրա նախագծերը հրատարակվել են հունական և միջազգային մամուլում, ինչպես նաև ներկայացվել են Հունաստանում և արտերկրում ցուցահանդեսների: Նրա դասախոսություններն ու հրապարակումները վերաբերում են ճարտարապետական տեսության խնդիրներին, ինչպես նաև գրասենյակի ծրագրերին և ուսումնասիրություններին: 2000-2001 թվականներին սովորել է Պատրոսի համալսարանի ճարտարապետության ֆակուլտետում:

Նրա գրասենյակի կողմից իրականացված ծրագրերը ներառում են բազմաթիվ հայտնի շենքեր և համալիրներ, ինչպիսիք են՝ Ֆիլոտեյում գտնվող Տրիչայի նստավայրը, Աթենքի միջազգային օդանավակայանի Օլիմպիական ավիացիոն շենքի համալիրը, Հռոդոսի Grande Albergo Delle Rose հյուրանոցի վերանորոգումը, Օլիմպիական թենիսի կենտրոնը՝ Աթենքի օլիմպիական մարզական համալիրում, Ատիկի Օդոս ավտոմայրուղու համակարգի վրա Մերսեդես-Բենց Հելլաս-ի շենքային հաստատությունները, Flisvos Marina-ն և այլն:

1992 թվականի հունվարին ծնվեց Պոտիրոպուլուների որդին՝ Ռիգասը:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Liana Nella-Potiropoulou»։ ADFF: ATHENS։ Վերցված է 2019-03-01 

Արտաքին հղումներ[խմբագրել | խմբագրել կոդը]