Իվան Հոնչարի անվան թանգարան

Վիքիպեդիայից՝ ազատ հանրագիտարանից
Jump to navigation Jump to search
Իվան Հոնչարի անվան թանգարան
Ivan Honchar Museum.jpg
Տեսակթանգարան
ԵրկիրFlag of Ukraine.svg Ուկրաինա
ՏեղագրությունԿիև
Հիմնադրված է1993
Այցելուներ35 000
Կոորդինատներ: 50°25′55.9″ հս․ լ. 30°33′27.9″ ավ. ե. / 50.432194° հս․. լ. 30.557750° ավ. ե. / 50.432194; 30.557750
Կայքhonchar.org.ua

Ժողովրդական մշակույթի ազգային կենտրոն «Իվան Հոնչարի անվան թանգարան» (ուկր.՝ Національний центр народної культури «Музей Івана Гончара»), ուկրաինական մասնագիտացված հետազոտական, մշակութային-կրթական հաստատություն Կիև քաղաքում՝ Լավրսկայա 19 հասցեում (նախկինում՝ գլխավոր նահանգապետի գրասենյակ):

Կենտրոնն իրականացնում է ազգագրական ուսումնասիրություններ, դաշտային գիտարշավներ, կազմակերպում է գիտաժողովներ, մշակութային-գեղարվեստական միջոցառումներ, մասնավորապես «Արծիվ» փառատոնը, կապ է հաստատում ժողովրդական նկարիչների, ավանդական մշակույթի կրողների և հետազոտողների հետ: Թանգարանն իրականացնում է Ուկրաինայի ավանդական մշակույթի լուսաբանում՝ այն ամբողջական և ինքնուրույն դարձնելու, ազգային գիտակցության վերածննդի, ուկրաինական ժողովրդական արվեստի լավագույն ավանդույթների պահպանման և զարգացման, ինչպես նաև Իվան Մակարովիչ Հոնչարի հիշատակը վառ պահելու նպատակով[1]:

Պատմություն[խմբագրել | խմբագրել կոդը]

Թանգարանը հիմնադրվել է 1993 թվականին նկարիչ, քանդակագործ և հասարակական գործիչ Իվան Հոնչարի մասնավոր հավաքածուի հիման վրա: Իր հավաքածուն Հոնչարը սկսել է հավաքել 1950-ականների վերջին: Ճամփորդելով Ուկրաինայում՝ նկարիչն իր հետ բերել է տարբեր ժամանակներում ստեղծված ժողովրդական արվեստի նմուշներ, որոնք արտացոլում են երկրում մշակութային ավանդույթների բազմազանությունը: Մի քանի տասնամյակների ընթացքում Հոնչարը ստեղծել է եզակի հավաքածու:

Այն ժամանակ, երբ պետական թանգարանները ուշադրություն էին դարձնում խորհրդային ժամանակաշրջանի մշակութային ձեռքբերումներին, Իվան Հոնչարը չկենտրոնացավ ստեղծագործական գաղափարական նրբությունների վրա: Նրան հետաքրքրում էր այն, որ իր հավաքածուն արտացոլի ուկրաինական ժողովրդական արվեստի ավանդույթները, որի արդյունքում հասարակական թանգարանը ձեռք բերեց ժողովրդականություն ոչ միայն Ուկրաինայում, այլև արտերկրում և Կիևում դարձավ 1960-ականների շարժման կենտրոններից մեկը[1]:

Հավաքածու[խմբագրել | խմբագրել կոդը]

Թանգարանի հավաքածուն ներառում է ավելի քան 15000 ազգագրական և գեղարվեստական ցուցանմուշներ, այդ թվում 2700 նմուշ գործվածք (սրբիչներ, վերնաշապիկներ, շրջազգեստներ, կիսաշրջազգեստներ, գորգեր, ձեռագործ նմուշներ), մոտ 700 կերամիկական նմուշներ (խեցեղեն, խաղալիքներ, սալիկներ), նախշած ձվերի հավաքածու, փայտե փորագրություններ, մետաղական և ապակյա նմուշներ, ժողովրդական երաժշտական ​​գործիքների հավաքածու (կոբզա, բանդուրա, ծնծղա, ֆլեյտա, քնար, տավիղ): Ուշագրավ է թանգարանի ուկրաինական ժողովրդական նկարների հավաքածուն, ինչպես նաև սրբապատկերների ազգային նմուշները (500 նմուշ): Կենտրոնում պահպանվում է նաև Հոնչարի մասնավոր գրադարանը՝ շուրջ 2750 գրքերով, ինչպես նաև Իվան Հոնչարի բազմաթիվ լուսանկարներ[1]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 Oasis of Ukrainian culture — Ivan Honchar Museum, Welcome to Ukraine Magazine, April 2011

Արտաքին հղումներ[խմբագրել | խմբագրել կոդը]