Իվան Ալամդարով
 | |
|---|---|
| Ծնվել է | սեպտեմբերի 9, 1924 |
| Ծննդավայր | Աստրախան, ՌԽՖՍՀ, ԽՍՀՄ |
| Մահացել է | 1993 |
| Քաղաքացիություն |  ԽՍՀՄ և .svg){kind=small} Ռուսաստան |
| Կրթություն | Աստրախանի պետական բժշկական համալսարան |
| Մասնագիտություն | բժիշկ |
| Գիտական աստիճան | բժշկական գիտությունների դոկտոր և պրոֆեսոր |
| Աշխատավայր | Աստրախանի պետական բժշկական համալսարան |
Իվան Նիկիտիչ Ալամդարով (սեպտեմբերի 9, 1924, Աստրախան, ՌԽՖՍՀ, ԽՍՀՄ - 1993), ազգությամբ հայ աստրախանցի բժիշկ, բժշկական գիտությունների դոկտոր, պրոֆեսոր, Աստրախանի պետական բժշկական համալսարանի ռեկտոր, Աստրախանի պատվավոր քաղաքացի[1]։
Կենսագրություն[խմբագրել | խմբագրել կոդը]
Իվան Ալամդարովը եղել է Հարություն Ալամդարյանի տոհմից։ Ծնվել է 1924 թվականին Աստրախան քաղաքում, մանկավարժների ընտանիքում։ 1941 թվականին ավարտել է Աստրախանի թիվ 10 դպրոցը։ 1945 թվականին գերազանցությամբ ավարտել է Աստրախանի պետական բժշկական ինստիտուտը[2]։ 1945-1949 թվականներին նույն ինստիտուտի նյարդային հիվանդությունների ամբիոնում անցել է կլինիկական օրդինատուրա։ 1950-1952 թվականներին աշխատել է Ներքի գործերի նախարարության Աստրախանի մարզային վարչությանբուժմասում, որպես բժիշկ-նյարդաբույժ[3]։ 1952-1961 թվականներին որպես ասիստենտ աշխատել է Աստրախանի Պետական բժշկական ինստիտուտի նյարդային հիվանդությունների ամբիոնի ասիստենտ։
1953 թվականին եղել է ինստիտուտի գիտական քարտուղարը, 1954-1955 թվականներին՝ ինստիտուտի բուժական-կանխարգելողական ֆակուլտետի դեկանի տեղակալը, ապա՝ դեկանը։
1957-1966 թվականներին նշանակվել և աշխատել է Ա. Լունաչարսկու անվան Աստրախանի պետական բժշկական ինստիտուտի ռեկտոր։ 1961 թվականին պաշտպանել է թեկնածուական ատենախոսություն՝ «Բորով հիվանդների տեսանելի անփոփոխ մաշկի անոթա-նյարդային ապարատը» թեմայով և արժանացել բժշկական գիտությունների թեկնածուի գիտական աստիճանի։
1966-1970 թվականներին շարունակել է աշխատել որպես ամբիոնի դոցենտ։ 1968-1969 թվականներին պաշտպանել է դոկտորական ատենախոսություն և արժանացել բժշկական գիտությունների դոկտորի գիտական աստիճանի։ 1972 թվականին ստացել է պրոֆեսորի կոչում։
Գիտական աշխատանքները վերաբերում են նեյրոլեպրոլոգիայի՝ բոր հիվանդության ժամանակ դիտվող նյարդային և հոգեկան խանգարումների, ինչպես նաև նյարդային համակարգի անոթային հիվանդությունների ուսումնասիրությանը։
Մոտ 120 գիտական աշխատությունների հեղինակ է։ Իվան Ալամդարովի ղեկավարությամբ պաշտպանվել են 2 դոկտորական, 11 թեկնածուական ատենախոսություն։
Եղել է Աստրախանի մարզային առողջապահության բաժնի արտահաստիքային գլխավոր նյարդաբույժը, 1955-1957 թվականներին՝ ինստիտուտի կուսակցական բյուրոյի քարտուղարը և 25 տարի՝ կուսակցական կոմիտեի անդամ։ Մի քանի անգամ ընտրվել է ԽՄԿԿ Աստրախանի մարզկոմի, քաղկոմի, քաղաքի Կիրովի շրջկոմի անդամ։ Ընտրվել է Աշխատավորների պատգամավորների Աստրախանի քաղաքային խորհրդի պատգամավոր։
Ծանոթագրություններ[խմբագրել | խմբագրել կոդը]
- ↑ «Почетные граждане города Астрахани». Городская Дума муниципального образования "Городской округ город Астрахань" (ռուսերեն). Վերցված է 2023 թ․ մարտի 10-ին.
- ↑ «И. Н. Аламдаров (к 85 -летию со дня рождения) 1924-1993». cyberleninka.ru. Վերցված է 2023 թ․ մարտի 10-ին.
- ↑ АЛАМДАРОВ Иван Никитович
Արտաքին հղումներ[խմբագրել | խմբագրել կոդը]