Իսահակ Բրաիլովսկի
Իսահակ Բրաիլովսկի | |
---|---|
Ծնվել է | մայիսի 15, 1900[1] |
Ծննդավայր | Դոնի Ռոստով, Դոնի զորքի մարզ, Ռուսական կայսրություն |
Վախճանվել է | նոյեմբերի 2, 1966[1] (66 տարեկան) |
Մասնագիտություն | գրող |
Լեզու | ռուսերեն |
Քաղաքացիություն | ![]() |
Կրթություն | Ռոստովի պետական մանկավարժական համալսարան |
Ժանրեր | արձակ |
Իսահակ Արոնովիչ Բրաիլովսկի (ռուս.՝ Исаак Аронович Браиловский, մայիսի 15, 1900[1], Դոնի Ռոստով, Դոնի զորքի մարզ, Ռուսական կայսրություն - նոյեմբերի 2, 1966[1]), ռուս գրող, ԽՍՀՄ գրողների միության անդամ։
Կենսագրություն
[խմբագրել | խմբագրել կոդը]Իսահակ Բրաիլովսկին ծնվել է 1900 թվականին Դոնի Ռոստովում` արհեստագործ Արոն Յանկելևիչ Բրաիլովսկու ընտանիքում։ Բրաիլովսկիներն ապրել են Բոգատյանսկի նրբանցքի թիվ 8 տանը։ 1934 թվականին Իսահակն ավարտել է Ռոստովի մանկավարժական ինստիտուտի գրականության բաժինը։ Գրական կարիերան սկսել է 1920 թվականին, առաջին աշխատանքները հրատարակել է «Ազովի տարածաշրջան», «Ռոստովի հեղափոխական կոմիտեի լուրեր» թերթերում։ Այնուհետև պարբերաբար հրապարակվել է տեղական մամուլում։ Գրաքննությամբ սկսել է զբաղվել 1938 թվականին, տպագրել է քննադատական հոդվածներ, թերթերում, ժողովածուներում և ալմանախներում գրականության և թատրոնի մասին ակնարկներ։ Բրաիլովսկու սոցիալական և գրական գործունեությունը երկար տարիներ շարունակ կապված է եղել Դոնի հետ։
1934-1938 թվականներին Իսահակ Բրաիլովսկին եղել է Ռոստովի հրատարակչության խմբագիր, 1938 թվականին աշխատել է «Մուրճ» մարզային թերթում, 1946-1949 թվականներին եղել է այդ թերթի գրականության և արվեստի բաժնի վարիչը, 1953 թվականից` Ռոստովի մարզային հրատարակչության ավագ խմբագիր։
Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների տարիներին Սիբիրյան ռազմական շրջանում եղել է քաղաքական սպա։ Նրա հոդվածներն ու էսսեները տպագրվել են Ռոստովի և Վորոնեժի ամսագրերում ու թերթերում, ինչպես նաև Լենինգրադի թերթում` «Հայրենիքի պաշտպանություն»։ 1960 թվականին Իսահակ Բրաիլովսկին ապրել է Լենինգրադում, համալրել է գրողների միության շարքերը, հրապարակվել է «Ոտքի» և «Դոն» հանդեսներում։ Բրաիլովսկու գրքերից են` «Արդարացի պատերազմի ժողովուրդները»[2] (1941), «Երկու պատերազմների զինվորները»[3] (1957), «Կենդանի սիրտ»[4] (1960): Վերջին հոդվածը հրապարակել է 1964 թվականին «Նեման» ամսագրում։
Իսահակ Արոնովիչ Բրաիլովսկին Հայերնական մեծ պատերազմի մասնակից է։
Ընտանիք
[խմբագրել | խմբագրել կոդը]Եղբայրներ`
- Մոիսեյ Արոնովիչ Բրաիլովսկի (1904-1941), մահացել է ռազմաճակատում
- Յակով Արոնովիչ Բրաիլովսկի (1894-1940 թվականներից հետո), ԽՍՀՄ Ներքին գործերի ժողովրդական կոմիսարիատի աշխատակից
- Աբրամ Արոնովիչ Բրաիլովսկի (1895-1954), քանդակագործ
Ստեղծագործություններ
[խմբագրել | խմբագրել կոդը]Ընտրյալ հրապարակումներ
- Люди справедливой войны.- Ростов н/Д: Ростиздат, 1941.
- Хрестоматия художественной литературы.- Ростов н/Д: Ростиздат, 1941.
- Литературно-художественный сборник.- Ростов н/Д: Ростиздат, 1947.
- Солдаты двух войн.- Ростов н/Д: Ростиздат, 1957.
- Живое сердце.- Ростов н/Д: Кн. изд-во, 1960.
Գրականություն
[խմբագրել | խմբագրել կոդը]- Дон литературный. Писатели России. Шолоховский край. XIX—XXI вв.:справ. изд., Сост. Губанов Г. — Ростов н/Д, 2006. — 512 с. ISBN 5-481-00623-5.
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Литераторы Санкт-Петербурга. ХХ век (ռուս.) / под ред. О. В. Богданова
- ↑ «Браиловский, Исаак Аронович - Люди справедливой войны [Текст] : Гражд. война и сов. худож. лит. : Лит.-крит. очерки - Search RSL». search.rsl.ru (ռուսերեն). Վերցված է 2017 թ․ օգոստոսի 5-ին.
- ↑ «Браиловский, Исаак Аронович - Солдаты двух войн [Текст] - Search RSL». search.rsl.ru (ռուսերեն). Վերցված է 2017 թ․ օգոստոսի 5-ին.
- ↑ «Браиловский Исаак Аронович 1900 Писатель ( 1/41 )». www.nlr.ru. Վերցված է 2017 թ․ օգոստոսի 5-ին.