Ինյուրկոլեգիա

Վիքիպեդիայից՝ ազատ հանրագիտարանից
Jump to navigation Jump to search

Ինյուրկոլեգիա, միջազգային մասնավոր իրավունքի հարցերով մասնագիտացված իրավաբանական կոնսուլտացիա ԽՍՀՄ-ում։

Կազմավորում[խմբագրել | խմբագրել կոդը]

Կազմավորվել է 1937 թվականին՝ փաստաբանների Մոսկվայի քաղաքային կոլեգիային կից՝ արտասահմանում սովետական քաղաքացիների ու կազմակերպությունների քաղաքացիական գործերը վարելու, ԽՍՀՄ-ում օտարերկրյա իրավաբանական և ֆիզիկական անձանց քաղաքացիական գործերով ներկայացուցչությունն իրականացնելու, գույքային շահերը պաշտպանելու համար։ «Ինյուրկոլեգիա» վարում է ժառանգության, կենսաթոշակային, ամուսնալուծության, ալիմենտ բռնագանձելու, ավանդների, ապահովագրական հատուցման, ինչպես նաև ծովային, երկաթուղային, օդային փոխադրումներից, արտաքին առևտրական գործարքներից բխող վնասների հատուցման գործեր։

«Ինյուրկոլեգիա»-ն խորհրդային քաղաքացիների ու կազմակերպությունների անձնական և գույքային շահերը արտասահմանում պաշտպանում է թղթակիցների՝ օտարերերյա փաստաբանների միջոցով, որոնք իրենց երկրների օրենսդրությանը համապատասխան կարող են լինել արտասահմանցիների ներկայացուցիչներ։ Նրանք գործերը վարում են կոմիսիոն հիմունքներով։ «Ինյուրկոլեգիա» զգալի գործունեություն է ծավալում ԽՍՀՄ քաղաքացիների օգտին արտասահմանում բացված ժառանգության կապակցությամբ։ «Ինյուրկոլեգիա»-ն Երևան քաղաքում ունի բաժանմունք, որն զբաղվում է ՀԽՍՀ, Ադրբեջանական և Վրացական ԽՍՀ-ների քաղաքացիների ժառանգության հարցերով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 347 CC-BY-SA-icon-80x15.png