Թռչնիկ, ամսօրյա, այնուհետև՝ կիսամսյա հանդես։ Հրատարակվել է 1861 - 1862-ին, Կոստանդնուպոլսում։ Խմբագիր-տնօրեն՝ Գ. Պալյան։ Հարել է հայ հասարակական մտքի պահպանողական թևին։ Միջանկյալ դիրք է գրավել «Մեղուի» և «Արևելյան դար»-ի բանակռվում։ Մասնակցել է գրաբար-աշխարհաբար բանավեճին՝ հօգուտ աշխարհաբարի։ Տպագրել է բանաստեղծություններ, աշխարհագրական, բնագիտական, առողջապահական հոդվածներ, խորհուրդներ մանուկներին, զվարճալի պատմություններ[1][2]։