Թոքամիզ, պլևրա (լատ.՝ pleurae՝ կող, կողք, պատ), մարդու և որոշ ողնաշարավոր կենդանիներիկրծքի խոռոչը և թոքերը ծածկող շճաթաղանթ։ Կաթնասունների թոքամիզն ունի 2 թերթիկ՝ ընդերային, որը սերտաճում է թոքի հյուսվածքին, և առպատային՝ պատում է կրծքի խոռոչի ներքին պատերը (կրծքամիզ)։ Թոքամիզի առպատային թերթիկը բաժանվում է կողային, ստոծանային, միջնորմային և գագաթնային հատվածների։ Թոքամիզի ընդերային և առպատային թերթիկների արանքում գոյություն ունի ճեղքանման տարածություն, որը կոչվում է թոքամզի խոռոչ։ Այն լցված է շճային հեղուկով, որը շնչառության ժամանակ փոքրացնում է 2 թերթիկների միջև եղած շփումը։ Թոքամիզն սնուցում են միջկողային, կրծքային ներքին և ստոծանիական զարկերակները, նյարդավորում են թափառող, միջկողային և ստոծանիական նյարդերը։
Առպատային թոքամիզը զգայուն է ցավի հանդեպ, առպատայինը՝ ոչ, քանի որ վերջինիս մոտ քիչ են նյարդային վերջավորությունները[2]։ 70 կգ քաշ ունեցող ֆիզիկապես առողջ մարդու մոտ թոքամզային տարածքում միշտ առկա է մի քանի միլիլիտր թոքամզային հեղուկ[3]։
↑Widmaier Eric P., Raff Hershel, Strang Kevin T. (2006)։ Vander's human physiology : the mechanisms of body function (10 ed.)։ Boston, Massachusetts: McGraw-Hill։ ISBN978-0072827415
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 213)։
Pleura Վիքիպահեստում
