Թուրքական անձնագիր

Թուրքիայի Հանրապետության քաղաքացու կենսաչափական անձնագիր

Թուրքական անձնագիր (թուրքերեն՝ Türk Pasaportu), պետական փաստաթուղթ, որը տրվում է Թուրքիայի քաղաքացիներին և օգտագործվում է անձի նույնականացման և արտասահման մեկնելու համար։ Թուրքիայում անձնագրերը մտցվել են 1950 թվականի հուլիսի 15-ին^[1]։ Ներկայիս անձնագրերը մտցվել են 2010 թվականի հունիսից։ Վավերականության ժամկետը 10 տարի։ Անձնագիրը տրվում է Թուրքիայի ոստիկանության կողմից։ Հյուսիսային Կիպրոսի քաղաքացիները կարող են դիմել թուրքական անձնագրի համար։ Նրանք նույն կերպ կարող են դիմել նաև Կիպրոսի անձնագրի համար։ Բացի այս անձնագրերի տեսակները, Թուրքիայի որոշ քաղաքացիների, ովքեր զբաղվում են դիվանագիտական ծառայությամբ, տրվում է դիվանագիտական անձնագիր։

Արտաքին տեսք[խմբագրել | խմբագրել կոդը]

Անձնագիրն ունի կարմիր գույն, որի վրա գրված է (թուրքերեն՝ Türkiye Cumhuriyeti) «Turkey» և (թուրքերեն՝ Pasaport) «Passport»` թուրքերենով և անգլերենով։ Կենտրոնում ոսկեգույնով պատկերված է աստղ և կիսալուսին, ինչպես պետական դրոշի վրա։ Անձնագրի ներսում տվյալները նշվում են թուրքերենով և անգլերենով։ Անձագրի չափսերն են` 88×125 մմ։

Վիզայի անհրաժեշտություն Թուրքիայի քաղաքացիների համար[խմբագրել | խմբագրել կոդը]

Պետություններ և տարածքներ, որտեղ այցելելու համար Թուրքիայի քաղաքացիները պետք է ունենան վիզա կամ ազատ վիզայական ռեժիմ է Թուրքիա Ազատ վիզայական ռեժիմ Վիզան տրվում է ժամանման պահին Էլեկտրոնային թույլտվություն կամ eVisa Անհրաժեշտ է վիզա

Թուրքական անձնագիր ունեցող անձինք կարող են ճանապարհորդել առանց վիզայի կամ վիզան ստանալ ժամանման պահին աշխարհի մոտ 100 երկրներում։

2011 թվականի սեպտեմբերի 29-ին ԵՄ արտաքին հարաբերությունների պատասխանատու Սեսիլիա Մալմսթրոմը հայտարարեց, որ վիզայի պահանջը շենգենյան գոտու երկրների համար կդադարեցվի։ Վիզայի ազատականացումը կլինի մի քանի փուլով։ Այն կներառի վիզայի համար նախատեսված փաստաթղթերի կրճատում, երկկողմանի վիզաների տրամադրում և կեցության ժամկետի երկարեցում։