Թամարա Հովհաննիսյան

Թամարա Հովհաննիսյան
Ծնվել է	ապրիլի 22, 1953(1953-04-22) (67 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ,  Հայաստան և  ԱՄՆ
Ազգություն	հայ
Կրթություն	ԵՊՀ հայ բանասիրության ֆակուլտետ (1975)
Գիտական աստիճան	բանասիրական գիտությունների թեկնածու
Մասնագիտություն	բանաստեղծուհի և արվեստագետ

Թամարա Սոսի Հովհաննիսյան (ապրիլի 22, 1953(1953-04-22), Երևան, Հայկական ԽՍՀ, ԽՍՀՄ), հայ բանաստեղծուհի, արվեստաբան:

1975 թվականին ավարտել է ԵՊՀ բանասիրական ֆակուլտետը: 1995 թվականին ՀՀ ԳԱԱ-ում պաշտպանել է ատենախոսություն «Վահան Թեքեյանի սիրերգությունը» թեմայով, ստացել բանասիրական գիտությունների թեկնածուի գիտական աստիճան, որը հրատարակվել է նույն թվականին Սերգեյ Սարինյանի առաջաբանով: 1988 թվականից հաստատվել է ԱՄՆ-ում, ապրում է Հյուսիսային Կալիֆոռնիայի Քարմել քաղաքում: 1988—91 թվականներին ամերիկահայ մամուլում հանդես է եկել հարյուր քառասունից ավելի հոդվածներով ու էսսեներով: 1991 թվականից պաշտոնավարել է Մոնթերեյի միջազգային հարաբերությունների ինստիտուտում: ԱՄՆ-ում մասնակցել է հայերենի դասագրքերի կազմման աշխատանքների: Աշխատում է իր տնօրինած արվեստի ցուցասրահներում, որտեղ ներկայացվում են ժամանակակից եվրոպական և հայ գեղանկարիչների ստեղծագործություններ: Հրատարակում է The Art of Collecting եռամսյա էլեկտրոնային հանդեսը: Դասախոսություններ է կարդացել Ֆրունզեի, Լա Վերնի համալսարաններում:

Երկեր

• Վահան Թեքեյանի սիրերգությունը, Ե., Գիտություն, 1995, 208 էջ:
• Քեզ հետ ու առանց քեզ (բանաստեղծություններ), Ե., Նոյյան Տապան, 1997, 67 էջ:
• Կինը (բանաստեղծություններ և պոեմներ), Ե., ՀԳՄ հրատ., 2006, 442 էջ։
• Լինելության համանվագ (բանաստեղծություններ), Ե., 2013:
• Я женщина, я остров; Ես կին եմ, ես` կղզի (բանաստեղծություններ), 2015, (ռուսերեն), Ալբերտ Նալբանդյանի թարգմանությամբ և Միխայիլ Սինելնիկովի առաջաբանով։
• Տարիքի հոգին, Ե., Անտարես, 2018, 430 էջ:

Պարգևներ

• ՀՀ սփյուռքի նախարարության «Մայրենիի դեսպան» մեդալ (2015):

Գրականություն

• Մելանյա Բադալյան, Վահան Թեքեյանի հետքերով, «Ազգ» օրաթերթ, 2014, № 14.