Հովհաննես Էքմեքճյան
Մահվան վայր | Հալեպ |
---|---|
Ազգություն | հայ |
Կրթություն | Դամասկոսի համալսարան |
Մասնագիտություն | բժիշկ |
Աշխատավայր | Քիլիս քաղաքի պետական դեղարանի վարիչ |
Հովհաննես Գ. Էքմեքճյան, հայ բժիշկ։
Կենսագրություն
[խմբագրել | խմբագրել կոդը]Հովհաննես Էքմեքճյանն ավարտել է Դամասկոսի համալսարանի դեղագործական բաժինը։ 1900-1921 թվականներին եղել է Հալեպի նահանգի Քիլիս քաղաքի պետական դեղարանի վարիչը։ 1915 թվականի Մեծ Եղեռնի տարիներին, հակառակ իր կամքին, թուրքական կառավարությունը նրան ստիպողաբար պահել է Քիլիսում, քանի որ դիպլոմավոր թուրք փոխարինող չի գտնվել։
1921 թվականի վերջերին, երբ Կիլիկիայի հայաթափման հետևանքով Քիլիսի վերապրող ամբողջ հայությունը վերջնականապես հեռացել է բնօրրանից, քեմալական հրոսակների իշխանությունը դարձյալ թույլ չի տվել, որ նա իր հարազատների հետ հեռանա Քիլիսից։
Մահվան սպառնալիքի տակ պարտադրել են շարունակել աշխատել։ Շատ չանցած, զգալով, որ կյանքին վտանգ է սպառնում, փախել է Քիլիսից և ճանապարհին թուրքերի հարձակմանը ենթարկվել։ Որոշ ժամանակ անց հիվանդացել է թոքախտով և մահացել Հալեպում։
Գրականություն
[խմբագրել | խմբագրել կոդը]Պայրամեան Ալիշան Ա., Կիլիզա. Հայկական Քիլիս, Երեւան, 2001։
Աղբյուրներ
[խմբագրել | խմբագրել կոդը]- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։