Էմիլյա Անդրեասյան
| Էմիլյա Անդրեասյան | |
|---|---|
| Ծնվել է | դեկտեմբերի 28, 1913 |
| Ծննդավայր | Շաքի, Ելիզավետպոլի նահանգ, Ռուսական կայսրություն |
| Մահացել է | դեկտեմբերի 20, 1996 (82 տարեկան) |
| Մահվան վայր | Երևան, Հայաստան |
| Քաղաքացիություն |  ԽՍՀՄ և  Հայաստան |
| Ազգություն | հայ |
| Կրթություն | Երևանի Մխիթար Հերացու անվան Պետական Բժշկական Համալսարան (1937) |
| Կոչում | պրոֆեսոր |
| Գիտական աստիճան | բժշկական գիտությունների դոկտոր (1968) |
| Մասնագիտություն | ֆիզիոլոգ և արյունաբան |
| Աշխատավայր | Երևանի Մխիթար Հերացու անվան Պետական Բժշկական Համալսարան |
Էմիլյա Սարգսի Անդրեասյան (դեկտեմբերի 28, 1913, Շաքի, Ելիզավետպոլի նահանգ, Ռուսական կայսրություն - դեկտեմբերի 20, 1996, Երևան, Հայաստան), հայ ֆիզիոլոգ-արյունաբան: Բժշկական գիտությունների դոկտոր (1968), պրոֆեսոր (1970):
Կենսագրություն[խմբագրել | խմբագրել կոդը]
Էմիլյա Անդրեասյանը ծնվել է 1913 թվականի դեկտեմբերի 28-ին Ադրբեջանի Նուխի քաղաքում: 1937 թվականին ավարտել է Երևանի բժշկական ինստիտուտը: 1937 թվականից աշխատել է Երևանի բժշկական ինստիտուտի նորմալ ֆիզիոլոգիայի ամբիոնում, 1960-1965 թվականներին եղել է բուժկանխարգելիչ ֆակուլտետի դեկանը:
Աշխատանքները վերաբերում են արյունատար համակարգի ֆիզիոլոգիական հարցերի, արյունաստեղծման շարժընթացում ուղեղիկի սնուցողական, հարմարվողական ազդեցության, սուր արյունահոսությունների ժամանակ փայծաղի պահեստային դերի պարզաբանման հարցերին[1][2]:
Մահացել է 1996 թվականի դեկտեմբերի 20-ին, Երևանում:
Երկեր[խմբագրել | խմբագրել կոդը]
- Երկարակեցության մասին: Անդրիասյան Էմիլյա Սարգսի, Երևան: Հայկական ՍՍՌ քաղ. և գիտ. գիտելիքների տարածման ընկեր., 1958:
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 101:
- ↑ «Koha online catalog › Entry»։ haygirk.nla.am։ Վերցված է 2019-03-08