Էմիլիա (երգչուհի)
| Էմիլիա | |
|---|---|
| Բնօրինակ անուն | բուլղար․՝ Емилия Янчева Вълева |
| Նաև հայտնի է որպես | Емилия և Emilia |
| Ծնվել է | մարտի 21, 1982 (42 տարեկան) Galabovo, Ստարա Զագորայի մարզ, Բուլղարիա |
| Երկիր |  Բուլղարիա |
| Ժանրեր | փոփ֊ֆոլք, կապուտաչյա սոուլ, ժողովրդական երաժշտություն և չալգա |
| Մասնագիտություն | երգչուհի, երաժիշտ և ստուդիական երաժիշտ |
| Երգչաձայն | մեցցո-սոպրանո |
| Գործիքներ | վոկալ |
| Լեյբլ | Payner |
| Կայք | emiliaonline.bg |
Էմիլիա Յանչևա Վյալևա (բուլղար․՝ Емилия Янчева Вълева, մարտի 21, 1982, Galabovo, Ստարա Զագորայի մարզ, Բուլղարիա), բուլղարացի երգչուհի։ Հանդես է գալիս որպես փոփ-սոուլ և վոկալ երգչուհի, և դերասանուհի։
Կենսագրություն[խմբագրել | խմբագրել կոդը]
Էմիլիան ծնվել է 1982 թ-ի մարտի 21-ին։ Ունի իրենից մեծ քույր՝ Դանիելան։ Մանուկ հասակում էմիլիան շատ աշխույժ և չարաճճի երեխա էր։ 12 տարեկանում նա արդեն երգում էր ժողովրդական երգեր։ Դրանից հետո ուսումը շարունակել է Շիրոկա-Լիկա քաղաքում։ 3 տարի անց նա հրաժարվում է պայմանագիր կնքել Պայներ ձայնագրման ստուդիայի հետ, բայց ստուդիայի ղեկավարները պնդում էին, որ նրա ձայնը դեռ հղկված չէ։ Այդուհանդերձ Էմիլիան շարունակում էր սովորել Դմիտրովգրադի երաժշտական դպրոցում, ավարտելով այն 2000 թ-ին։
1999 թ-ին Էմիլիան ձայնագրում է իր առաջին Свършено е с теб (Ձեզ հետ ամեն ինչ վերջացած է) երգը։ Որը նա ստացել էր որպես մտցանակ Фракия Фолк մրցույթին լավագույնս ներկայանալու համար։ 2001 թ-ի հուլիսին Էմիլիան թողարկում է իր Весело момиче (ուրախ աղջիկ) ալբոմը։ Դրանից հետո Էմիլիային կնքում են փոփ-ֆոլկի ուրախ աղջիկ մականվամբ։ Նույն թվականի նոյեմբերին երգչուհին առաջին անգամ հանդես է գալիս արտասահմանում, ելույթ ունենալով մեկ այլ երգչուհու՝ Գլորիայի հետ, Աթենքում։ 2005 թվականին Էմիլիան ձայնագրել է իր Целувай ме (համբուրիր ինձ) երգը, որն էլ դարձավ երգչուհու այցեքարտը։ 2006 թ-ին թողարկում է Още мисля за теб (մտածում եմ քո մասին) երգը։ 2006 թվականի աշնանը Էմիլիան սկսում է իր առաջին արտասահմանյան հյուրախաղերը դեպի Ավստրալիա, որտեղ հանդես է գալիս համերգային ծրագրով, Բուլղարիայի սփյուռքի ներկայացուցիչների համար։ 2010 թ-ին իր հասակակից այլ երգչուհիների՝ Միլանոյի և Գալենայի հետ թողարկում են Аларма (տագնապ) երգը, որից հետո ուղևորվում է ԱՄՆ, որտեղ ունենում է մենահամերգներ ԱՄՆ-ի տարբեր քաղաքներում, բուլղարական սփյուռքի համար։
2013 թ-ին Էմիլիան թողարկում է իր Ти си ми (դու իմն ես) երգը, և տեսահոլովակը հնդկական մոտիվներով։ 2014 թ-ին Էմիլիան թողարկում է երկու զուգերգ իսրաելցի երգիչ Ավի Բենդիյի հետ, Кой ще му каже (եբր. בואי תגלי לי) (ով կասի քեզ), և Балкания (Բալկաններ)։ Նույն թվականին Էմիլիան և Ավին համերգ ունեցան Մոսկվայում, Կրեմլի պալատում։ 2015 թ-ի հուլիսի 11-ին, Էմիլիան Պրեսլավայի, Ցվետէլինա Յանեվոյի, Դեսի Սլավայի, Գալենայի և Անելիայի հետ ներկայացնում են ճանաչված ժողովրդական երգը Лале ли си, зюмбюл ли си (Վարդակակաչ Ձեզ, հակինթ Ձեզ) երգը նորովի մոտեցմամբ, իսկ հուլիսի 9-ին թողարկվում է այդ երգի տեսահոլովակը։ 2016 թ-ին էմիլիան թողարկում է իր նոր երգը՝ California, որտեղ իր մասնակցությունն ունեցավ DJ Ցեցի Լուդատա Գլավան, որը ընդգրկվեց signal.bg պորտալի լավագույն հնգյակում[1][2]։
Սկավառակագրություն[խմբագրել | խմբագրել կոդը]
Ստուդիական ալբոմներ[խմբագրել | խմբագրել կոդը]
- 2001 - Весело момиче / Ուրախ աղջիկ
- 2002 - Нежни устни / Քնքուշ խոսքեր
- 2004 - Ангел в нощта / Գիշերվա հրեշտակ
- 2005 - Самотна стая / Միայնակ սենյակ
- 2006 - Мисли за мен / Մտքեր տղամարդկանց համար
- 2008 - Родена съм да те обичам / Ծնվել եմ քեզ սիրելու համար
- 2010 - Така ми харесва / Այնպես որ ես սիրում եմ
- 2012 - Смелите си имат всичко / Համարձակն ստացավ այս ամենը
- 2015 - Ех, Българийо, красива / Ա՜խ գեղեցիկ ես Բուլղարիա
Հավաքածու[խմբագրել | խմբագրել կոդը]
- 2007 - Целувай ме - Best Ballads
- 2013 - Златните хитове на Емилия
Ծանոթագրություններ[խմբագրել | խմբագրել կոդը]
- ↑ «БИОГРАФИЯ НА ЕМИЛИЯ». chalgata.blogspot.com. Վերցված է 2016 թ․ նոյեմբերի 25-ին.
- ↑ «Женското трио снима „Аларма" на 11-ти и 12-ти - Попфолк - Signal.bg». signal.bg. Արխիվացված է օրիգինալից 2010 թ․ նոյեմբերի 21-ին. Վերցված է 2016 թ․ նոյեմբերի 25-ին.
| ||||||||||
