Էլիզա Գյուլեսերյան

Վիքիպեդիայից՝ ազատ հանրագիտարանից
Jump to navigation Jump to search
Էլիզա Գյուլեսերյան
Ծնվել էսեպտեմբերի 22, 1922(1922-09-22)
ԾննդավայրՊյատիգորսկ, Թերեքի նահանգ, ՌԽՖՍՀ
Մահացել էօգոստոսի 29, 1992(1992-08-29) (69 տարեկան)
Մահվան վայրԵրևան, Հայաստան
ՔաղաքացիությունFlag of Russia (1991–1993).svg Ռուսաստան
Ազգությունհայ
ԿրթությունԵրևանի պետական գեղարվեստա-թատերական ինստիտուտ
Մասնագիտությունդերասանուհի և մանկավարժ
Պարգևներ և
մրցանակներ
Հայկական ԽՍՀ արվեստի վաստակավոր գործիչ
ԵրեխաներԼալա Մնացականյան

Էլիզա Գյուլեսերյան (սեպտեմբերի 22, 1922(1922-09-22), Պյատիգորսկ, Թերեքի նահանգ, ՌԽՖՍՀ - օգոստոսի 29, 1992(1992-08-29), Երևան, Հայաստան), հայ թատերական գործիչ, մանկավարժ, դերասանուհի։ ՀԽՍՀ արվեստի վաստակավոր գործիչ (1986)։

Կենսագրություն[խմբագրել | խմբագրել կոդը]

Էլիզա Գյուլեսերյանը ծնվել է Պյատիգորսկ քաղաքում։ 1944-1948 թվականներին սովորել է Երևանի գեղարվեստա-թատերական ինստիտուտի դերասանական բաժնում` Վարդան Աճեմյանի արվեստանոցում։ Մասնակցել է Երկրորդ համաշխարհային պատերազմին, զինվորներին քաջալերել, ոգեշնչել է կազմակերպված համերգների ժամանակ։ Անձնուրաց աշխատանքի համար պարգևատրվել է շքանշաններով։ 1957 թվականին վերապատրաստվել է Մոսկվայի Թատերական արվեստի պետական ինստիտուտում։ 1958-1992 թվականներին բեմական խոսք է դասավանդել Երևանի գեղարվեստա-թատերական ինստիտուտում, մի քանի տարի ղեկավարել նույն ինստիտուտի բեմական խոսքի ամբիոնը։

Էլիզա Գյուլեսերյանի գիտական հոդվածները տպագրվել են «Արվեստ», «Գիտություն և տեխնիկա» ամսագրերում, տարբեր ժողովածուներում։ Զեկույցներով ու դասախոսություններով հանդես է եկել Հայաստանում և սփյուռքում։ Հեղինակել է «Գեղարվեստական խոսքի մատուցման արվեստը» գիրքը, որը բեմական խոսքի առաջին դասագիրքն է հայերեն լեզվով[1][2]։

Ընտանիք[խմբագրել | խմբագրել կոդը]

  • Ամուսին՝ Բաբկեն Մնացականյան, մաթեմատիկոս, մաթեմատիկական գիտությունների թեկնածու, դոցենտ
  • Դուստր՝ Լալա Մնացականյան, հայ դերասանուհի, ՀՀ վաստակավոր արտիստ

Ծանոթագրություններ[խմբագրել | խմբագրել կոդը]

  1. Baghdasaryan Aram։ «AV Production - Էլիզա Գյուլեսերյան»։ avproduction.am։ Վերցված է 2016-09-21 
  2. «Элиза Гюлесерян - биография - театральные деятели - Кино-Театр.РУ»։ www.kino-teatr.ru։ Արխիվացված է օրիգինալից 2015-05-01-ին։ Վերցված է 2016-09-21