Զորգեի փողոց (Դոնի Ռոստով)
Զորգեի փողոց ռուս.՝ Улица Зорге | |
---|---|
Բլագոդատնայա փողոցի հետ խաչմերուկ | |
Երկիր | Ռուսաստան |
Գտնվում է | Դոնի Ռոստով |
Երկարություն | 2,7 ± 0,1 կմ |
Սկիզբ | Կոմունիստիչեսկի պողոտա |
Ավարտ | Երյոմենկոյի փողոց |
Անվանվել է | Ռիխարդ Զորգե |
OpenStreetMap-ում | |
Յանդեքս Քարտեզներում | |
Գուգլ Քարտեզներում |
Զորգեի փողոց (ռուս.՝ Улица Зорге), փողոց Ռուսաստանի Դաշնության Դոնի Ռոստով քաղաքի Խորհրդային շրջանի տարածքում։ Սկսվում է Կոմունիստիչեսկի պողոտայից և ավարտվում Երյոմենկոյի փողոցի հետ խաչմերուկում։ Փողոցի ուղղությունը հարավից դեպի հյուսիս է, Սոդրուժեստվոյի փողոցին զուգահեռ։ Երթևեկելի մասի շերտերի քանակը տատանվում է երկուսից չորսի սահմաններում։
Անվանում[խմբագրել | խմբագրել կոդը]
Փողոցն իր անվանումը ստացել է ի պատիվ Երկրորդ համաշխարհային պատերազմի տարիների խորհրդային հայտնի հետախույզ, Խորհրդային Միության հերոս (1964 թվական, հետմահու) Ռիխարդ Զորգեի (1895-1944)։ Զորգեն համարվում է XX դարի աշխարհի մեծագույն հետախույզներից մեկը[1]։
Տրանսպորտ[խմբագրել | խմբագրել կոդը]
Զորգեի փողոցը Արևմտյան բնակելի զանգվածի գլխավոր մայրուղին է։ Այստեղ կազմակերպված է թիվ 26, 67, 71, 94, 96 ավտոբուսների, ինչպես նաև մեծ թվով երթուղային տաքսիների երթևեկությունը։
Կառուցապատում[խմբագրել | խմբագրել կոդը]
Փողոցի զույգ կողմում հիմնականում տարբեր հարկայնության բնակելի շենքեր են, ներառյալ` Հարավային դաշնային համալսարանի հանրակացարանները, կան նաև հասարակական-կենցաղային նշանակության շենքեր։ Փողոցի կենտ կողմում, բացի բնակելի շենքերից, գտնվում են` Պլևեն քաղաքի անվան զբոսայգին, Հարավային դաշնային համալսարանի ֆակուլտետները, Պրիվոզ շուկան, համալսարանի ուսանողական ավանի նորակառույց շենքերը, «Տալեր» առևտրի կենտրոնը։
Ուշագրավ օբյեկտներ[խմբագրել | խմբագրել կոդը]
- Խորհրդային շրջանի վարչակազմի նստավայրը[2]
- Բուլղարիայի Պլևեն քաղաքի անվան զբոսայգին
- Հարավային դաշնային համալսարանի ֆակուլտետների մի մասը և ուսանողական ավանը
Ծանոթագրություններ[խմբագրել | խմբագրել կոդը]
- ↑ Дергачёв, Владимир Александрович Стратегическая разведка Արխիվացված 2022-02-25 Wayback Machine / Цивилизационная геополитика (Геофилософия). — Киев: ВИРА-Р, 2004. — 672 с.
- ↑ Ростов-на-Дону — официальный портал городской Думы и Администрации города