Զե Էլիաս

Զե Էլիաս
Քաղաքացիությունը	Բրազիլիա
Ծննդյան ամսաթիվ	սեպտեմբերի 25, 1976(1976-09-25) (47 տարեկան)
Ծննդավայր	Սան Պաուլո, Բրազիլիա
Հասակ	178 սանտիմետր
Քաշ	73 կիլոգրամ
Դիրք	կիսապաշտպան

Զե Էլիաս (լրիվ անունը՝ Ժոզե Էլիաս Մոէդիմ Ժունիոր, պորտ.՝ José Elias Moedim Júnior), բրազիլացի ֆուտբոլիստ, կիսապաշտպան։ Կրտսեր եղբայրը՝ Ռուբինյոն, նույնպես ֆուտբոլիստ է (դարպասապահ) և իր կարիերայի մեծ մասն անցկացրել է իտալիական ակումբներում։

Կենսագրություն

Զե Էլիասը եղել է ամենաերիտասարդ խաղացողներից մեկը «Կորինթիանս» ակումբում, ինչը մեծ հետաքրքրություն է առաջացրել եվրոպական ակումբների մոտ, որոնցից էր ՊՍՎ Էյնդհովենը։ 1996 թվականին տեղափոխվել է գերմանական «Բայեր», որից հետո խաղացել է իտալական՝ «Ինտեր», «Բոլոնիա», «Ջենոա», հունական՝ «Օլիմպիակոս» (առաջնությունում երեք անընդմեջ հաղթանակ) ակումբներում։

2004 թվականին վերադարձել է Բրազիլիա, որտեղ խաղացել է «Սանթոս»-ում, 2006 թվականի հուլիսին 2 տարվա պայմանագիր է կնքել Դոնեցկի «Մետալուրգ»-ի հետ, որի կազմում չի մասնակցել որևիցէ հանդիպման։

2006 թվականին հանդես է եկել «Գուարան» և Կիպրոսի «Օմոնիա» ակումբներում, ավելի ուշ՝ բրազիլական «Լոնդրինա» ակումբում։ 2008 թվականի մարտին նա ավարտել է կարիերան որպես խաղացող և ստանձնել է ֆուտբոլային գործակալի դերը «Ինտեր»-ում։ Այնուամենայնիվ, հունիսին Էլիասը պայմանագիր է կնքել ավստրիական լիգայի «Ալտահ» ակումբի հետ։

Միջազգային հարթակում Էլիասը 1996 թվականին Բրազիլիայի հավաքականը ներկայացրել է ամառային Օլիմպիական խաղերում, որի արդունքներով նվաճել է բրոնզե մեդալ։

Ձեռքբերումներ

• Լիգա Պաուլիտա (1995)
• Բրազիլիայի ֆուտբոլի գավաթ (1995)
• ՈՒԵՖԱ-ի գավաթ (1997/98)
• Հունաստանի առաջնություն 2000/01, 2001/02, 2002/03
• Բրազիլիայի առաջնություն (2004)
• Ամառային օլիմպական խաղեր՝ բրոնզե մեդալ (1996)

Արտաքին հղումներ

• «Ֆուտբոլիստի էջը «sambafoot.com» կայքում». Արխիվացված է օրիգինալից 2010 թ․ հունվարի 29-ին. {{cite web}}: Invalid |url-status=unknown-host (օգնություն)(անգլ.)
• Պրոֆիլը transfermarkt.com կայքում(անգլ.)
• Վիճակագրությունը National Football Teams կայքում(անգլ.)