Զաքար Ումիկով
Զաքար Ումիկով | |
|---|---|
| Ծնվել է | փետրվարի 19 (մարտի 4), 1906 Թիֆլիս, Ռուսական կայսրություն |
| Մահացել է | հունիսի 16, 2004 (98 տարեկան) Սանկտ Պետերբուրգ, Ռուսաստան |
| Մասնագիտություն | ճարտարագետ |
| Ալմա մատեր | Սանկտ Պետերբուրգի պետական էլեկտրոտեխնիկական համալսարան (1932) |
| Տիրապետում է լեզուներին | ռուսերեն |
| Պարգևներ |  և  |
| Հայր | Ներսես Ումիկով |
Զաքար Ներսեսի Ումիկով (փետրվարի 19 (մարտի 4), 1906, Թիֆլիս, Ռուսական կայսրություն - հունիսի 16, 2004, Սանկտ Պետերբուրգ, Ռուսաստան), հայազգի ճարտարագետ, կոնստրուկտոր։ ԽՍՀՄ-ում ռազմական գործնական հիդրոձայնագիտության հիմնադիրը։
Մանկաբույժ Ներսես Ումիկովի որդին։
Կենսագրություն[խմբագրել | խմբագրել կոդը]
Զաքար Ումիկովը ծնվել է 1906 թվականին Թիֆլիսում։ 1924 թվականին ավարտել է Թիֆլիսի պոլիտեխնիկական տեխնիկումը, 1932 թվականին` Լենինգրադի էլեկտրատեխնիկական ինստիտուտը։ 1933 թվականից աշխատել է Լենինգրադի ծովային սարքաշինության «Ջրատրանս-սարք» գործարանում, 1936-1941 թվականներին` «Օրիոն» ՀԿԲ-ի գլխավոր կոնստրուկտոր, 1947-1949 թվականներին՝ «Ջրատրանս-սարք» գործարանի կոնստրուկտոր, 1949-1965 թվականներին՝ Հիդրոտեղորոշման և հիդրոձայնագիտության ԳՀԻ գլխավոր կոնստրուկտոր, 1965-1992 թվականներին՝ «Ծովֆիզսարք» Կենտրոնական ԳՀԻ գլխավոր կոնստրուկտոր, 1992-1996 թվականներին՝ ՌԴ ռազմական հիդրոձայնագիտության սարքերի ընդունման պետական հանձնաժողովների նախագահ[1][2]։
Զաքար Ումիկովը մշակել և ստեղծել է ԽՍՀՄ-ում առաջին անդրձայնային խորաչափերը, սուզանավերի առաջին հիդրոձայնային համալիրը, առաջին ջրային ականները, մասնակցել է առաջին հիդրոտեղորոշիչ սարքերի ստեղծման աշխատանքներին։ Հիդրոձայնագիտության մեթոդների հիման վրա առաջարկել է բժշկական սարքերի ստեղծման տեխնոլոգիա։ Նրա գիտական ղեկավարությամբ և անմիջական մասնակցությամբ նախագծվել է թրթռային զգայնությունը չափող սարք։ Ավելի քան 40 գյուտերի հեղինակ է[1][3]։
Պարգևներ[խմբագրել | խմբագրել կոդը]
- ԽՍՀՄ Պետական մրցանակներ, 1941 թ., 1949 թ.
- Կարմիր աստղի շքանշան
- Ստալինյան մրցանակի դափնեկիր, 1949 թ.
Ծանոթագրություններ[խմբագրել | խմբագրել կոդը]
- ↑ 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007
- ↑ «Умиков Захарий Нерсесович | Центр военно-политических исследований»։ www.eurasian-defence.ru (ռուսերեն)։ Վերցված է 2017-07-10(չաշխատող հղում)
- ↑ Саркисян А. Е. Армяне-военные ученые, конструкторы, производственники и испытатели XX века. Т.3.-Ер.:"Амарас", 2005, 388 с. + 78 ил., с 171-183
|
