Զարկերակ (ֆիլմ)
 ուկրաիներեն՝ Пульс | |
|---|---|
| Երկիր |  Ուկրաինա |
| Ժանր | դրամա և սպորտային ֆիլմ |
| Թվական | ապրիլի 8, 2021[1] |
| Լեզու | ուկրաիներեն |
| Կինոընկերություն | FILM.UA |
| Տևողություն | 97 րոպե |
Զարկերակ (ուկրաիներեն՝ Пульс), ուկրաինական լիամետրաժ սպորտային դրամա՝ նկարահանված ռեժիսոր Սերգեյ Չեբոտարենկոյի[2][3]կողմից։ Հիմնված է ուկրաինացի մարզուհի, թեթեւ աթլետիկայի 2008 թվականի պարալիմպիկ չեմպիոն, 2008, 2012 և 2016 թվականների Ամառային պարալիմպիկ խաղերի հնգակի արծաթե և բրոնզե մեդալակիր Օքսանա Բոտուրչուկի[4] կյանքի իրական պատմության վրա։
Ֆիլմի միջազգային կինոպրեմիերան կայացել է 2021 թվականի հունվարի 29-ին Flathead Lake International Cinemafest ամերիկյան կինոփառատոնում[5]։ Ֆիլմի ուկրաինական թատերական պրեմիերան կայացել է 2021 թվականի հուլիսի 22-ին։
Նկարագրություն[խմբագրել | խմբագրել կոդը]
Ուկրաինացի երիտասարդ մարզիկը ապրում է փոքրիկ քաղաքում և մեծ երազանք ունի՝ հասնել Օլիմպիական խաղերին։ Նրա մարզական կարիերան նոր է սկսվում, և նա լավ արդյունքներ է ցույց տալիս։ Բայց սարսափելի ավտովթարի հետեւանքով աղջիկը ծանր վնասվածքներ է ստանում եւ քիչ է մնում կորցնի տեսողությունը։ Թվում է, թե այժմ Օքսանան ոչ միայն բաղձալի օլիմպիական խաղերի, այլեւ նորմալ կյանքի հնարավորություն չունի։ Սակայն նա չի պատրաստվում հանձնվել և ձգտում է ապացուցել, որ դեպի իրական երազանքը տանող ճանապարհը խոչընդոտներ չկան։
Նկարահանումները սկսվել են Կիևում 2019 թվականի մարտին։ Նկարահանումների երկրորդ մասը տեղի է ունեցել հուլիսին, իսկ եզրափակիչ երրորդը՝ սեպտեմբերին։ Ըստ սյուժեի՝ հիմնական իրադարձությունները տեղի են ունենում Ուկրաինայում, սակայն Պեկինի պարալիմպիկ խաղերը դառնում են որոշիչ պահ Օքսանայի համար։ Նկարահանումները տեղի են ունեցել Կիևում, ինչպես նաև Կիևի մարզում՝ Բրովարիում և Ուկրաինայում։
Օքսանա Բոտուրչուկը ակտիվորեն մասնակցել է նախագծի աշխատանքներին։ Սցենարը գրելիս մարզիկը խորհուրդներ է տվել Յարոսլավ Վոյցեշեկին և Մաքսիմ Չերնիշին, ինչպես նաև աշխատել դերասանների և խմբի հետ՝ հնարավորինս ճշգրիտ վերարտադրելու պրոֆեսիոնալ մարզիկների իրական մարզումները, ինչպես նաև մարդկային վարքի հետ կապված նրբությունները։ Նա մասամբ կորցրել է տեսողությունը։
Նատալյա Բաբենկոն, որը խաղում էր Օքսանա Բոտուրչուկի դերը, ֆիլմի նկարահանումների ժամանակ խորհրդակցել է վազքի մարզիչների հետ և մարզվել մարզասրահում՝ համապատասխան ֆիզիկական կազմվածքը զարգացնելու և վազք սպորտաձևը ավելի լավ հասկանալու համար։
Դերեր[խմբագրել | խմբագրել կոդը]
- Նատալյա Բաբենկո — Օքսանա
- Վիկտորյա Լևչենկո — Ելենա՝ Օքսանայի քույրը
- Նատալյա Դոլյա — մայր
- Ալեքսանդր Կոբզար — հայր
- Ստանիսլավ Բոկլան — մարզիչ Վալերի Սորոչան
- Լիլիա Ռեբրիկ — մարզիչ Ելենա
- Ախտեմ Սեյտաբլաև — բժիշկ
- Ռոման Յասինովսկի — Դմիտրի
- Մաքսիմ Սամչիկ — Մաքս
- Սերգեյ Լուզանովսկի— Սերգեյ
- Դարյա Բարիխաշվիլի— Աննա
Արտաքին հղումներ[խմբագրել | խմբագրել կոդը]
- Спортивная драма «Пульс» — как снимался необычный украинский фильм. Дом (телеканал) (22 июля 2021)
- Колонка Сергея Чеботаренко: У «Пульса» есть пульс. Officiel-online (20 мая 2021)
- Станислав Боклан и Лилия Ребрик в драме «Пульс» и боевик «Глаза змеи»: что посмотреть в кино с 22 июля. Факты и комментарии (19 июля 2021)
- Internet Movie Database
Ծանոթագրություններ[խմբագրել | խմբագրել կոդը]
- ↑ https://dzygamdb.com/uk/films/277
- ↑ «FLIC kicking off weekend of films». NBC Montana. 2021 թ․ հունվարի 30. Արխիվացված օրիգինալից 2023 թ․ օգոստոսի 31-ին. Վերցված է 2023 թ․ օգոստոսի 31-ին.
- ↑ ««У кіно головне бути чесним і розповідати історії, які несуть моральні цінності, в які ти віриш, історії які є мотивацією для суспільства», − Сергій Чеботаренко». TSN.ua. 2021 թ․ հոկտեմբերի 7. Արխիվացված օրիգինալից 2021 թ․ հոկտեմբերի 18-ին. Վերցված է 2023 թ․ օգոստոսի 31-ին.
- ↑ «Українська спортивна драма «Пульс» перемогла у двох головних номінаціях на американському кінофестивалі: найкращий фільм та найкращий режисер». FILM.UA. 2021 թ․ փետրվարի 1. Արխիվացված օրիգինալից 2021 թ․ օգոստոսի 1-ին. Վերցված է 2023 թ․ օգոստոսի 31-ին.
- ↑ Lake County Leader: Column: FLIC 2021 brought the world to us. flicpolson.com. 4 лютого 2021(անգլ.)