Զանգեզուրի-82

Զանգեզուրի-82, կորնգանի սորտ։ Ստացել է Հ․ Վարդանյանը ՀՀ Երկրագործության գիտական կենտրոնում՝ անհատական ընտրությամբ։

Նկարագրություն

Ուժեղ թփակալվող է, ունի կանգուն, թույլ թավոտ, մերկ, հաստ, սնամեջ ցողուններ։ Տերևները կենտփետրաձև են։ Տերևիկները՝ խոշոր, մերկ։ Ողկույզը նոսր է, իլիկաձև, 30-80 հատ ծաղիկներով։ Ունդը պարունակում է 1 սերմ։ Սերմը երիկամաձև է, երբեմն՝ կլոր, բաց գորշագույն։ 1000 սերմի զանգվածը 13-14 գրամ է, իսկ 1000 ունդի զանգվածը՝ 18-22 գ։ Ծաղկում է ցանքի առաջին տարում։ Բերքատու է, չորադիմացկուն, ձմեռում է առանց տնկումների, տերևալի է՝ պրոտեինի բարձր պարունակությամբ։ 1 հա-ից ստացվում է 48,5 ց բացարձակ չոր նյութերի և 6,7 ց սերմի բերք։ Ներառված է ՀՀ տարածքում օգտագործման և հետագա բազմացման բույսերի սորտերի ՀՀ Գյուղատնտեսության նախարարության ցանկում։

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։