Երևան Յունայթեդ
| Երևան Յունայթեդ | |||
| Ամբողջական անուն | «Երևան Յունայթեդ» Երևան ֆուտբոլային ակումբ | ||
|---|---|---|---|
| Հիմնադրում | 2004 թվական | ||
| Երկիր |  Հայաստան
| ||
| Քաղաք | Երևան | ||
| Մարզադաշտ | Հանրապետական մարզադաշտ | ||
| Տարողունակություն | 16000 | ||
| Նախագահ | Տիգրան Հովիվյան | ||
| Մարզիչ | Ալբերտ Սարգսյան | ||
| Կայք | |||
| Լիգա | Առաջին լիգա | ||
| 2005 | 4 | ||
| |||
«Երևան Յունայթեդ» ֆուտբոլային ակումբ, հայկական ֆուտբոլային ակումբ Երևան քաղաքից։ Հիմնադրվել է 2004 թվականին։
Պատմություն
[խմբագրել | խմբագրել կոդը]Ակումբը հիմնադրվել է 2004 թվականի հոկտեմբերին ավստրալիացի հայ գործարար Տիգրան Հովիվյանի կողմից[1][2]։ Մի քանի անց Հովիվյանն անհետացել է Հայաստանից, և ակումբը մնացել է առանց սեփականատիրոջ։
Որոշ ժամանակ անց Հովիվյանից լուր է ստացվել, որ նա Ավստրալիայում է և շուտով կվերադառնա Հայաստան։ Ակումբը հաջողությամբ սկսել է մասնակցությունն առաջին լիգայի առաջնությանը և արդյունքում զբաղեցրել չորրորդ հորիզոնականը։
Ըստ Առաջին լիգայի կանոնադրության՝ Պրեմիեր լիգա անցնում էր միայն հաղթողը, իսկ երկրորդ տեղն զբաղեցրեծ թիմը պետք է անցումային խաղ անցկացներ Պրեմիեր լիգայի նախավերջին տեղն զբաղեցրած թիմի հետ։
Երևանի «Արարատ» ակումբն անցել է Պրեմիեր լիգա, իսկ «Գանձասար» անցումային խաղում պարտվել է «Շիրակին»։ Արդյունքում Հայաստանի ֆուտբոլի ֆեդերացիայի գործկոմն ընդառաջել է «Գանձասար» և «Երևան Յունայթեդ» թիմերին այն պայմանով, որ ակումբները ներկայացնեն ֆինանսական երաշխիքներ[3]։
«Երևան Յունայթեդ» ակումբի ղեկավարության կողմից երաշխիքներ եղել են, սակայն դրանք չեն հաստատվել գործով։ Հովիվյանը հերթական անգա հեռացել է Հայաստանից։ Հայաստանի ֆուտբոլի ֆեդերացիան անմիջապես որոշում է կայացրել թիմին առաջնությունից հեռացնելու վերաբերյալ։
2006 թվականի նոյեմբերին Հովիվյանը նորից վերստեղծել է ակումբը՝ խոստանալով այս անգամ այն ղեկավարել ավելի լրջորեն և ապագայի հեռանկարներով[4]։
2007 թվականի մարտի 7-ին հայտնի է դարձել, որ ակումբը չի մասնակցի Հայաստանի գավաթի խաղարկությանն ու Առաջին լիգայի առաջնությանը։ Հովիվյանից հերթական անգամ լուրեր չեն եղել, իսկ ակումբի ֆինանսական միջոցներն սպառվել էին։ Իր նամակում Հովիվյանը հայտնել է, որ ֆինանսավորման խնդիրները պայմանավորված են հովանավորների բացակայությամբ։ Ակումբի ողջ անձնակազմն ու ֆուտբոլիստները մնացել են առանց աշխատանքի[5]։
Ակումբն իր պատմության մեջ երկրորդ անգամ կազմալեւծվել է։ Դա միակ դեպքն է հայկական ֆուտբոլի պատմության մեջ, երբ նույն ակումբը կազմալուծվել է երկու անգամ։
Մարզչական շտաբ
[խմբագրել | խմբագրել կոդը]- Գլխավոր մարզիչ –
Ալբերտ Սարգսյան - Օգնական – Արմեն Բաղումյան
- Օգնական ֆիզպատրաստության հարցերով – Սուրեն Բեգոյանց
Ծանոթագրություններ
[խմբագրել | խմբագրել կոդը]- ↑ THE CLUB HISTORY Արխիվացված 2012-03-26 Wayback Machine (անգլ.)
- ↑ Летальный исход. Ближнее зарубежье Արխիվացված 2016-03-04 Wayback Machine (ռուս.)
- ↑ В чемпионате Армении будет 11 команд (ռուս.)
- ↑ У нас прочное финансовое положение, и мы продолжим наш путь — Тигран Овивян(չաշխատող հղում) (ռուս.)
- ↑ Երևան Յունայթեդը կրկին ցրվեց
Արտաքին հղումներ
[խմբագրել | խմբագրել կոդը]- Ակումբի պաշտոնական կայքը (անգլ.)
- Ակումբի էջը national-football-teams.com կայքում (անգլ.)
- Ակումբի էջը rsssf.com կայքում (անգլ.)