Երկրագունտ

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Երկրագունտ (այլ կիրառումներ)

«Երկրագունտ», գրական, գիտական և քաղաքակաև ամսագիր։ Ասիական ընկերության հրատարակություն։ Լույս էր տեսել 1883-1888 թվականներին, Կ. Պոլսում։ Խմբագիրներն էին՝ Հակոբ Պարոնյան, Եղիա Տեմիրճիպաշյան։

Տպագրվել էր նյութեր ազգային կյանքի մասին, քաղաքական լուրեր, ուսումնասիրությաններ հայոց լեզվի և հայ գրականության պատմության վերաբերյալ, պատմական, աշխարհագրական և գիտական հոդվածներ։ Ամսագիրը բարձրացրել էր կանանց իրավահավասարության և աղջիկների դաստիարակության հարցը։ Մանկավարժական դաստիարակչական հոդվածներով օգնել էր կրթական գործի բարելավմանը, ծանոթացրել ուսուցման եվրոպական մեթոդներին։

Թղթակիցներ[խմբագրել | խմբագրել կոդը]

Թղթակցել են Գ․ Զոհրապը, Գ․ Սրվանձտյանցը, Ե․ Դուրյանը, Ե․ Տեմիրճիպաշյանը, Լևոն Բաշալյանը և ուրիշներ։ Տպագրվել էր գրախոսականներ, մամուլի տեսություններ, թարգմանաբար ներկայացրել Լամարթինի, Հյուգոյի, Լաֆոնտենի, Բայրոնի, Շելլիի և այլոց գործերից։ Ընթերցողներին ծանոթացրել էր նշանավոր գիտնականների կյանքին ու գործունեությանը, նորագույն հայտնագործություններին։ Տպագրվել էր Ասիական ընկերության ազդերն ու որոշումները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 621 CC-BY-SA-icon-80x15.png