Ոչ բարձր, միամյա խոտաբույս է՝ պատված աստղաձև մազիկներով։ Ցողունները խիստ ճյուղավորված են, ունեն նեղ, գծային տերևներ: Միատուն են, արական ծաղիկները (2—5-ական)՝ երկբլթակ, ջաղանջակերպ ծաղկապատյանով և մեկ առէջով, իգականները՝ առանց ծաղկապատյան։ Պտուղը սրածայր, փշանման ելուստներով է։
Հայաստանի ցածրադիր կիսանապատային գոտում հանդիպում է Եղջրակիր ավազուտային տեսակը (Ceratocarpus arenarius) տեսակի Եղջրակիր պարկավոր | Ceratocarpus utriculosus ենթատեսակը, ժողովրդական անվանումը՝ Եզնապտուղ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 509)։
