Դրոմոմանիա

Վիքիպեդիայից՝ ազատ հանրագիտարանից
Jump to navigation Jump to search

Դրոմոմանիա (հուն․՝ δρόμος «վազք», հուն․՝ μανία «մոլեգնություն, խելագարություն»), պորիոմանիա (հուն․՝ πόρος «ճանապարհ»), վագաբոնդաժ (ֆր.՝ vagabondage «թափառականություն»), անդադար թափառելու անկառավարելի հակում։ Դրոմոմանիա հասկացության տակ կարելի է հասկանալ տնից փախուստի, թափառելու հակում, որը դիտվում է իբրև հոգեկան հիվանդության տարատեսակ։

Ամենահայտնի դեպքերից մեկը Ժան-Ալբերտ Դադասինն է, ով կարող էր հանկարծակի դուրս գալ տնից և ոտքով ճամփորդել դեպի այնպիսի հեռավոր քաղաքներ, ինչպիսիք են Պրահան, Վիեննան կամ Մոսկվան՝ առանցհիշելու իր ճամփորդությունների մասին: Որպես բժշկական համալսարանի ուսանող՝ Ֆիլիպ Տիսսին գրել է Դադասի մասին իր դոկտորական աշխատությունում 1887 թվականին[1]:

Էթիոլոգիա և պաթոգենեզ[խմբագրել | խմբագրել կոդը]

Դրոմոմանիայի ձևավորման ընթացքում առանձնանում է ռեակտիվ էտապ՝ առաջինը փախուստը տնից՝ կապված հոգեբանական տրավմայի հետ, իսկ հետագայում այն առավել հաճախակի և կայուն բնույթ է սկսում կրել: Ցանկացած աննշան և անբարենպաստ իրավիճակում առաջանում է տնից հեռանալու սովորական ռեակցիա: Հանդիպում է պսիխոպաթիայի, օբսեսիվ-կոմպուլսիվ խանգարումների ժամանակ:

Հետագայում տնից հեռացումները դառնում են անիմաստ, անսպասելի, ստանում են իմպուլսիվ բնորոշում:

Առաջացման տարիք[խմբագրել | խմբագրել կոդը]

Դրոմոմանիան, որը բնորոշ է մանկության և պատանեկության շրջանին, համարվում է ամբողջովին նորմալ հոգեկան զարգացում, բայց հայտնի է դեպքեր, երբ, առաջանալով մանկության ընթացքում, դրոմոմանիան պահպանվում է նաև արդեն չափահաս կանանց և տղամարդկանց մոտ, բացի այդ նրանց չի կանգնեցնում նույնիսկ փոքր երեխաների առկայությունը, որոնց առողջությունը թափառելու ընթացքում վտանգի է ենթարկվում:

Գրականություն[խմբագրել | խմբագրել կոդը]

  • Психиатрия: Учебник / Коркина М.В., Лакосина Н.Д., Личко А.Е., Сергеев И.И. - 2-е изд., доп., перераб. - М.: МЕДпресс-информ, 2002

Ծանոթագրություններ[խմբագրել | խմբագրել կոդը]

  1. Les aliénés voyageurs : essai médico-psychologique, Paris, O. Doin, 1887 ; réédité à L'Harmattan, 2005, introduction de Serge Nicolas, sous le titre Les aliénés voyageurs : Le cas Albert, Available at http://www2.biusante.parisdescartes.fr/livanc/?cote=TBOR1887x29&do=chapitre