Դրախտի թռչուններ (ֆիլմ)

Դրախտի թռչուններ ուկրաիներեն՝ Райські птахи
Երկիր	Ուկրաինա
Ժանր	դրամա
Թվական	2008
Լեզու	ռուսերեն, ուկրաիներեն և անգլերեն
Ռեժիսոր	Ռոման Բալայան
Պրոդյուսեր	Օլեգ Կոխան
Սցենարի հեղինակ	Ռուստամ Իբրահիմբեկով
Դերակատարներ	Օքսանա Ակինշինա, Անդրեյ Կուզիչև և Օլեգ Յանկովսկի
Օպերատոր	Բոգդան Վերժբիցկի
Երաժշտություն	Վադիմ Խրապաչև
Տևողություն	94 րոպե
IMDb	ID 1327600

«Դրախտի թռչուններ» (ռուս.՝ Райские птицы, ուկրաիներեն՝ Райські птахи), 2009 թվականին նկարահանված ռուս-ուկրաինական գեղարվեստական ֆիլմ։

2009 թվականին ֆիլմը ստացել է «Նիկա» կինոմրցանակ ԱՊՀ և Բալթյան երկրների լավագույն ֆիլմ անվանակարգում։

Սյուժե

80-ականների սկիզբ, Խորհրդային Միություն։ Արտասահմանյան ռադիոհաղորդումներ լսելն արգելված է, մյուսների առաջ սեփական կարծիքը հայտնելը՝ վտանգավոր։ Բացեիբաց կարող ես խոսել միայն խոհանոցում, փակ վարագույրի ետևում, իսկ ճշմարտությունը կարելի է գտնել «սամիզդատ» կոչված նյութերում, որոնք ծածուկ մի ընկերոջից մյուսին են փոխանցվում։ ՊԱԿ-ը գաղտնալսում է հեռախոսային խոսակցությունները, հետևում անվստահելիներին և ծրագրում ոչնչացնել այլախոհներին։ Երիտասարդ գրող Սերգեյ Գոլոբորոդկոն գրել է «Կնոլ կայանը» վեպը, որը նկարագրում է «իրական սոցիալիզմի» հակառակ կողմը։ ՊԱԿ-ի գործակալները պատրաստ են ամեն ինչի՝ շանտաժի, ձերբակալությունների, սպանությունների, որպեսզի վեպը չտպագրվի արտասահմանում, ճշմարտությունը ամբողջատիրության մասին դուրս չգա «երկաթե վարագույրի» սահմանից։ ՊԱԿ-ը Սերգեյի մտերիմ ընկերոջն ստիպում է դավաճանել նրան, հայտնի գրողը՝ Սերգեյի հոգևոր ուսուցիչը, ձերբակալվում է և բանտում կնքում իր մահկանացուն, իսկ սիրած կինը անհետանում է Սերգեյի կյանքից…

Հերոսները փորձում են հաղթահարել այս խոչընդոտները, բայց այնքան էլ հեշտ չէ ինքն իրեն հաղթահարելը։

Դերասաններ

• Անդրեյ Կուզիչև – Սերգեյ
• Օքսանա Ակինշինա – Կատենկա
• Օլեգ Յանկովսկի – Կոլենկա
• Եգոր Պաժենկո – Նիկիտա
• Սերգեյ Ռոմանյուկ – քննիչ