Օքսանա Ակինշինա

Վիքիպեդիայից՝ ազատ հանրագիտարանից
Օքսանա Ակինշինա
Ծնվել էապրիլի 19, 1987(1987-04-19)[1] (36 տարեկան)
ԾննդավայրԼենինգրադ, ՌԽՖՍՀ, ԽՍՀՄ
Քաղաքացիություն Ռուսաստան
Մասնագիտությունկինոդերասանուհի և դերասանուհի
Ակտիվ շրջան2000-այժմ
Պարգևներ և մրցանակներ
IMDbID 0968541
Օքսանա Ակինշինա՝ Վիքիպահեստ

Օքսանա Ալեքսանդրովնա Ակինշինա (ռուս.՝ Оксана Александровна Акиньшина, ապրիլի 19, 1987(1987-04-19)[1], Լենինգրադ, ՌԽՖՍՀ, ԽՍՀՄ), ռուս կինոդերասանուհի։

Կենսագրություն[խմբագրել | խմբագրել կոդը]

Օքսանա Ակինշինան ծնվել է 1987 թվականի ապրիլի 19-ին Լենինգրադում, ավտոփականագործի և հաշվապահի ընտանիքում[3]։ Սովորել է մոդելային գործակալությունում, որի տնօրենը բոլոր աղջիկներին ստիպել է քասթինգի մասնակցել Սերգեյ Բոդրով Կրտսերի մոտ։ Օքսանա Ակինշինան լսումների գնացել է առանց խանդավառության[4], սակայն անցել է քասթինգը և նկարահանվել է Բոդրովի «Քույրեր» դրամայում՝ 13 տարեկանում առաջին անգամ հայտնվելով էկրաններին։ Այդ ֆիլմի համար 2001 թվականին Սոչիում տեղի ունեցած կինոփառատոնի «Նորամուտ» մրցույթում Օքսանա Ակինշինան Եկատերինա Գորինայի հետ արժանացել է մրցանակի «Դերասանական լավագույն զույգ» անվանակարգում։

Միջազգային ճանաչման է արժանացել շվեդ ռեժիսոր Լուկաս Մուդիսոնի «Ընդմիշտ Լիլյա» (անգլ.՝ Lilja 4-ever) ֆիլմում նկարահանվելուց հետո։ 2003 թվականին Օքսանա Ակինշինան նկարահանվել է նիդերլանդական «Հարավ» ֆիլմում, որում մարմնավորել է երիտասարդ աղջկա՝ միայնակ մոր, որ ապօրինի մեկնել է Նիդերլանդներ։ Ֆիլմում դերասանուհին խոսում է հոլանդերեն։ 2004 թվականին հաստատվել է, որ Օքսանա Ակինշինան «Պետական խորհրդական» ֆիլմում կկատարի Էսֆիրա Լիտվինովայի դերը, սակայն նկարահանումների առաջին օրը չի ներկայացել նկարահանման հրապարակ, և նրա փոխարեն դերը կատարել է դերասանուհի Էմիլյա Սպիվակը։ Նույն թվականին Օքսանա Ակինշինան «Բորնի առավելությունը» ֆիլմում կատարել է էպիզոդիկ դեր՝ մարմնավորելով Իրենա Նեսկիին։

«Տարազամոլները» ֆիլմի նկարահանման հրապարակում

«Գայլախեղդը Գորշ շների ցեղից» ֆիլմում, որ էկրան է բարձրացել 2006 թվականի դեկտեմբերի 26-ին, Օքսանա Ակինշինան կատարել է գլխավոր դերերից մեկը՝ մարմնավորելով կսեսինկա Ելենին։ 2008 թվականին նա կատարել է գլխավոր հերոսուհու դերը Վալերի Տոդորովսկու «Տարազամոլները» ֆիլմում։

2011 թվականին Օքսանա Ակինշինան «Վիսոցկի։ Շնորհակալություն, որ ողջ ես» (ռուս.՝ «Высоцкий. Спасибо, что живой») ֆիլմում մարմնավորել է գլխավոր հերոսուհուն՝ ուսանողուհի Տատյանային։ 2012 թվականին նկարահանվել է «8 առաջին ժամադրություններ» (ռուս.՝ «8 первых свиданий») ֆիլմի գլխավոր դերում, իսկ 2015 թվականին նրա շարունակությունում՝ «8 նոր ժամադրություններ» (ռուս.՝ «8 новых свиданий») ֆիլմում։

Անձնական կյանք[խմբագրել | խմբագրել կոդը]

Օքսանա Ակինշինան մինչև 15 տարեկանը հանդիպել է դերասան Ալեքսեյ Չադովի հետ, որից հետո նա համատեղ ապրել է Սերգեյ Շնուրովի հետ։ 2008 թվականին Օքսանա Ակինշինան ծանոթացել է իր առաջին ամուսնու՝ Դմիտրի Վիկտորովիչ Լիտվինովի (ծնվել է 1976 թվականի նոյեմբերի 6-ին[5]) հետ, ով «Պլանետա Ինֆորմ» փիար-ընկերության գլխավոր տնօրենն էր։ 2009 թվականի հունիսի 2-ին ծնվել է նրանց որդին՝ Ֆիլիպը։

Օքսանա Ակինշինան հանդիպել է դերասան և երգիչ Ալեքսեյ Վորոբյովի հետ[6]։ Նրանք բաժանվել են 2011 թվականի մայիսի սկզբին[7]։

2013 թվականի հունվարի 15-ին Օքսանա Ակինշինան ու ամուսինը՝ կինոպրոդյուսեր Արչիլ Գելովանին, որդի են ունեցել, ում կոչել են Կոնստանտին[8]։ 2016 թվականի հոկտեմբերին հայտնի է դարձել, որ դերասանուհին երրորդ երեխան է ունենալու[9], իսկ 2017 թվականի հունվարի 29-ին ծնվել է նրանց դուստրը՝ Էմմին[10][11][12][13]։ 2018 թվականի օգոստոսի 18-ին հայտարարել է իր ամուսնալուծության մասին[14], սակայն հետագայում մնացել են միասին[15]։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
2001 ֆ Քույրեր Сёстры Սվետա
2002 ֆ Ընդմիշտ Լիլյա Lilja 4-ever Լիլյա
2002 ֆ Շարժման մեջ В движении Անյա
2003 ֆ Թիթեռների խաղեր Игры мотыльков Զոյկա
2003 ֆ Հարավ Юг Զոյա
2003 ս Կամենսկայա 3 Каменская 3 Իրա Տերեխինա
2004 ֆ Բորնի առավելությունը Превосходство Борна Իրենա Նեսկի
2004 ս Կինը առանց կանոնների խաղում Женщины в игре без правил Ալկա
2005 ս Կանացի վեպ Женский роман Քսենյա
2006 ս Կապիտանի երեխաները Капитанские дети Պոլինա Գրինյովա
2006 ֆ Մոսկվա-զրո Москва-ноль Լյուբա
2006 ֆ Հետհաշվարկ Обратный отсчёт Աննա
2006 ֆ Գայլախեղդը Գորշ շների ցեղից Волкодав из рода Серых Псов Կնեսինկա Ելեն
2008 ֆ Տարազամոլներ Стиляги «Польза»
2008 ֆ Դրախտի թռչուններ Райские птицы Կատենկա
2008 ֆ Թշնամի համար մեկ Враг номер один Կատյա
2009 ֆ Ես Я Նինա
2010 ֆ Բուք Метель Վարյա
2011 ֆ Վիսոցկի։ Շնորհակալություն, որ ողջ ես Высоцкий. Спасибо, что живой Տատյանա
2011 ֆ Ո՞ւր է հոսում ծովը Куда течёт море? մայր
2012 ֆ 8 առաջին ժամադրություններ 8 первых свиданий Վերա
2012 ֆ Ինքնասպաններ Самоубийцы Մարինա
2012 ֆ Շտապելու տեղ չկա Некуда спешить
2015 ֆ 8 նոր ժամադրություններ 8 новых свиданий Վերա
2015 ֆ SOS, Ձմեռ պապ, կամ Ամեն ինչ կիրականանա SOS, Дед Мороз, или Всё сбудется! Օլգա
2015 ս Նեստերովի հանգույց Петля Нестерова Օլգա
2016 ֆ ՍուպերԲոբրովները СуперБобровы Սվետլանա Բոբրովա
2016 ս Յուրաքանչյուրին իրենը Каждому своё Օքսանա
2016 ֆ Մուրճ Молот Վերա
2018 ֆ СуперБобровы. Народные мстители Սվետլանա Բոբրովա
2019 ֆ Արևածագ Рассвет Մարիա Կոննովա
2019 ֆ Ուր է հոսում ծովը Куда течёт море մայր

{{Ֆիլմում|2020||Спутник|Տատյանա Յուրևնա Կլիմովա

2020 ս Անսկզբունքայինները Беспринципные Լյուդմիլա, Սլավիկի կինը
2021 ֆ Չեռնոբիլ Чернобыль Օլգա Սավոստինա
2021 ս Թռիչք Полёт Իրա Կովալյովա
2021 ս Контейнер Սաշա
2022 ֆ Գաղտնիք Тайна Սվետլանա Բոևա
2022 ս The Тёлки Լենա, Անդրեյի կինը
2023 ֆ Համախտանիշ Синдром

Ծանոթագրություններ[խմբագրել | խմբագրել կոդը]

  1. 1,0 1,1 FemBio տվյալների շտեմարան (գերմ.)
  2. Bästa kvinnliga skådespelare i en huvudroll / 2002: Oksana Akinsjina / för rollen som Lilja i Lilja 4-ever
  3. Оксана Акиньшина
  4. Катя Горина: Сергей Бодров запрещал актёрам пить
  5. «Дмитрий Литвинов». Արխիվացված է օրիգինալից 2013 թ․ ապրիլի 24-ին. Վերցված է 2017 թ․ մարտի 29-ին.
  6. «Акиньшина закрутила роман с Алексеем Воробьевым» (ռուսերեն). Сегодня.ua. 27 Января, 2011. Արխիվացված օրիգինալից 2012 թ․ փետրվարի 16-ին. Վերցված է 2011 թ․ մայիսի 12-ին.
  7. Елена ЛАПТЕВА,Мария РЕМИЗОВА (11.05.2011). «Алексей Воробьев расстался с Оксаной Акиньшиной» (ռուսերեն). Комсомольская правда. Արխիվացված օրիգինալից 2012 թ․ փետրվարի 16-ին. Վերցված է 2011 թ․ մայիսի 12-ին.
  8. «Вести.Ru: У актрисы Оксаны Акиньшиной родился второй сын». Արխիվացված օրիգինալից 2013 թ․ հունվարի 21-ին. Վերցված է 2013 թ․ հունվարի 19-ին.
  9. «Оксана Акиньшина ждет третьего ребенка» (ռուսերեն). Дети Mail.ru. Վերցված է 2016 թ․ հոկտեմբերի 25-ին.
  10. «Вести.Ru: У актрисы Оксаны Акиньшиной родился второй сын». Վերցված է 2013 թ․ հունվարի 19-ին.
  11. «Оксана Акиньшина ждет третьего ребенка» (ռուսերեն). Дети Mail.ru. Վերցված է 2016 թ․ հոկտեմբերի 25-ին.
  12. «Оксана Акиньшина родила третьего ребенка». zirki.odnoboko.com. Վերցված է 2017 թ․ հունվարի 29-ին.
  13. «Оксана Акиньшина рассекретила имя дочки — 7Дней.ру» (ռուսերեն). 7Дней.ру. Վերցված է 2018 թ․ մայիսի 28-ին.
  14. «После объявления о разводе Оксана Акиньшина улетела отдыхать с детьми» (ռուսերեն). Վերցված է 2018 թ․ օգոստոսի 27-ին.
  15. Оксана Акиньшина, редкое фото с младшими детьми: «Очень красивые!»

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Օքսանա Ակինշինա» հոդվածին։