Դոմինիկ Բլուդվորտ

Վիքիպեդիայից՝ ազատ հանրագիտարանից
Դոմինիկ Բլուդվորտ
Անձնական տեղեկություն
Սեռ՝իգական
Մասնագիտացում՝ֆուտբոլիստուհի
Երկիր՝ Նիդերլանդների Թագավորություն
Ծննդյան ամսաթիվ՝հունվարի 17, 1995(1995-01-17)[1][2] (29 տարեկան)
Ծննդավայր՝Հորստ ան դե Մաս, Լիմբուրխ, Նիդերլանդներ

Դոմինիկ Իոհաննա Աննա Դոմինիկ (հոլ.՝ Dominique Johanna Anna Bloodworth, հունվարի 17, 1995(1995-01-17)[1][2], Հորստ ան դե Մաս, Լիմբուրխ, Նիդերլանդներ), հոլանդացի ֆուտբոլիստուհի, խաղացել է գերմանական Վոլֆսբուրգ ակումբի և Նիդերլանդների ազգային հավաքականի կազմում[3]։

Ակումբային կարիերա[խմբագրել | խմբագրել կոդը]

Դոմինիկ Բլուդվորտը սկսել է ֆուտբոլիստի կարիերան՝ հանդես գալով «ՌԿՍՎ Վիտենհորստ» ակումբի երիտասարդական պահեստային թիմում։ 2013 թվականի ամռանը նա տեղափոխվել է գերմանական «Էսսեն» ակումբ, որն այն ժամանակ մասնակցում էր գերմանական Բունդեսլիգայի խաղերին։ Մինչ այդ նա առաջարկ էր ստացել Էյնդհովեն և Այաքս ակումբներից, սակայն մերժել էր։ 2013 թվականի սեպտեմբերի 8-ին՝ առաջին տուրի մրցաշրջանում նա նորամուտը նշել է Բունդեսլիգայում։ «Էսենի» կազմում իր առաջին գոլը խփել է 2013-ի նոյեմբերի 3-ին (7-րդ տուր), «Հոֆենհայմի» դեմ խաղի ժամանակ, որն ավարտվել էր 5:1 հաշվով։ 2015 թվականին ֆուտբոլիստուհին պայմանագիր է կնքել անգլիական «Արսենալի» հետ։ Այդ տեղափոխությունը հաջող էր նրա համար․ նա դարձել է 2015 թվականի Անգլիական լիգայի գավաթակիր՝ ակումբը 3:0 հաշվով պարտության էր մատնել «Նոտս Քաունթիին»[4]։

Հաջորդ մրցաշրջանում Դոմինիկը կրկին խաղացել է Անգլիական գավաթի եզրափակիչում, նրա ակումբն այս անգամ Անգլիայի գավաթի 2016 թվականի եզրափակչում 1:0 հաշվով պարտությա է մատնել «Չելսիին»։ Այդ հաղթանակը մեծ ճանաչում բերեց նրան։

2018/2019 թվականների մրցաշրջանից և 100 խաղից հետո նա պայմանագիր է կնքել գերմանական «Վոլֆսբուրգի» հետ, որն այդ ժամանակ Գերմանիայի գործող չեմպիոնն էր[5]։

Կարիերան հավաքականում[խմբագրել | խմբագրել կոդը]

Դոմինիկն առաջին անգամ հանդես է եկել Հոլանդիայի մինչև 15 տարեկանների հավաքականում՝ 2010 թվականի մարտի 17-ին Անգլիայի հավաքականի հետ ընկերական խաղում։ 2012 թվականին նա Նիդեռլանդների թիմի ավագն էր (մինչև 17 տարեկան)։ 2012 թվականի Եվրոպայի մինչև 17 տարեկան աղջիկների առաջնության ընտրական խաղերում եղել է թիմի ավագ, ինչպես նաև կրել է թիմի ավագի թևկապը 2013 թվականի մինչև 19 տարեկան աղջիկների Եվրոպայի առաջնության ընտրական խաղերում։ 2014 թվականին Դոմինիկին հաջողվել է իր թիմի հետ դուրս գալ մինչև 19 տարեկանների Եվրոպայի առաջնության եզրափակիչ փուլ, որը տեղի է ունեցել 2014 թվականին Նորվեգիայում, որտեղ Նիդեռլանդներն առաջին անգամ դարձել է չեմպիոն՝ եզրափակչում 1:0 հաշվով հաղթելով Իսպանիային։ Նա խաղացել է իր թիմի բոլոր հինգ հանդիպումներում։

2014 թվականին Դոմինիկն առաջին անգամ հրավիրվել է Նիդերլանդների հիմնական հավաքական։ Առաջին հանդիպումը եղել է Կիպրոսի հետ՝ 2014 թվականի գավաթին։

Նա Նիդերլանդների հավաքականում խաղացել է նաև 2015 թվականի աշխարհի առաջնության ժամանակ։ 2017 թվականի Եվրոպայի առաջնության եզրափակչում նրա թիմը հաղթել է եզրափակչում։ Այդ առաջնությունից հետո ամբողջ թիմին մեծարել է Նիդեռլանդների վարչապետ Մարկ Ռյուտեն և սպորտի նախարար Էդիթ Շիպերսը, իսկ Դոմինիկ Բլուդվորտն արժանացել է «Օրանժ-Նասաու» շքանշանի[6]։

Անձնական կյանք[խմբագրել | խմբագրել կոդը]

Դոմինիկ Յանսենն ամուսնացել է ամերիկացի Բրենդոնա Բլավորտայի հետ՝ 2018 թվականին և կրում է ամուսնու ազգանունը։ Բրենդոնան այդ ժամանակ արդեն չորս տարի ծառայել է Աֆղանստանում տեղակայված ԱՄՆ-ի ռազմաօդային ուժերում և Լոնդոնում (Մեծ Բրիտանիա) ծանոթացել Յանսենի հետ։ Նրա ամուսինը Քալիֆորնիայից NCAA-ի 1-ին դիվիզիոնի թեթևաթլետն էր։ Այժմ նա ամերիկյան ֆուտբոլ է խաղում։

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Արսենալ

  • Անգլիայի գավաթակիր 2015/16
  • Անգլիայի լիգայի գավաթակիր 2015, 2017/18[7]
  • Կանանց Սուպերլիգայի ֆուտբոլի ասոցիացիայի հաղթող՝ 2018/19

Ծանոթագրություններ[խմբագրել | խմբագրել կոդը]

  1. 1,0 1,1 Soccerdonna (գերմ.) — 2010.
  2. 2,0 2,1 FBref.com(բազմ․)
  3. «Profile». FIFA.com. Արխիվացված է օրիգինալից 2018 թ․ հունիսի 21-ին. Վերցված է 2020 թ․ ապրիլի 7-ին.
  4. «2015 WSL Cup». FA WSL.com.
  5. «Dominique Bloodworth and Sari Van Veenendaal leave Arsenal». arseblog. Վերցված է 2020 թ․ ապրիլի 7-ին.
  6. «Voetbalsters Oranje geridderd in Den Haag (in Dutch)». NOS.nl.
  7. Garry, Tom (14 марта 2018). «Arsenal Women 1–0 Manchester City Women». Վերցված է 2020 թ․ ապրիլի 7-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Դոմինիկ Բլուդվորտ» հոդվածին։