Դիլշոդ Վասիև
 | |||
|---|---|---|---|
| Քաղաքացիությունը |
 Տաջիկստան | ||
| Ծննդյան ամսաթիվ | փետրվարի 12, 1988[1] (36 տարեկան) | ||
| Ծննդավայր | Դուշանբե, Տաջիկական ԽՍՀ, ԽՍՀՄ | ||
| Հասակ | 178 սանտիմետր | ||
| Քաշ | 70 կիլոգրամ | ||
| Դիրք | կիսապաշտպան | ||
|
| |||
|
| |||
|
| |||
|
| |||
|
| |||
Դիլշոդ Սաիդժոնովի Վասիև (տաջ.՝ Дилшод Саидҷонович Восиев, փետրվարի 12, 1988[1], Դուշանբե, Տաջիկական ԽՍՀ, ԽՍՀՄ), տաջիկ ֆուտբոլիստ, կիսապաշտպան և «ԲԿՄԱ-Պամիր» ակումբի ավագ։ Հանդես է եկել Տաջիկստանի ազգային հավաքականում։
Կարիերա[խմբագրել | խմբագրել կոդը]
Դիլշոդ Վասիլևը իր պրոֆեսիոնալ կարիերան սկսել է 2006 թվականից Դուշանբեի «Խիմա» թիմի կազմում։ Երբ Վասիևը խաղացել է «Խիմա» թիմի կազմում, ֆուտբոլիստով հետաքրքրվել է հայկական «Միկա» ֆուտբոլային ակումբը, և շուտով՝ 2008 թվականին, նա պայմանագիր է կնքել երևանյան թիմի հետ և տեղափոխվել Հայաստան։
Երևանի «Միկայի» կազմում Վասիևը մասնակցել է Հայաստանի առաջնության տասնյոթ հանդիպման և դարձել երկու գոլի հեղինակ։ 2008 թվականի աշնանը Վասիևը խզել է պայմանագիրը հայկական թիմի հետ և վերադարձել Տաջիկստան, որտեղ առաջնության վերջին տուրերում Դուշանբեի «Էներգետիկի» կազմում դարձել է 4 գոլի հեղինակ։
2009 թվականի սկզբին նրան իր շարքերն էր հրավիրել Դուշանբեի նորաստեղծ և բարձր նպատակներ դրած ակումբը՝ «Իստիկլոլը»։ Վասիևը պայմանագիր է կնքել «Իստիկլոլի» հետ և սկսել է հանդես գալ նոր ակումբում։ Շուտով Վասիևը դարձել է «Իստիկլոլի» առաջատար խաղացողը, իսկ ավելի ուշ դարձել է թիմի ավագը, նա զգալի ներդրում է ունեցել թիմի ուժեղացման գործում։ 2008 թվականի վերջից մինչև այսօր Վասիևը «Իստիկլոլի» կազմում մասնակցել է 80 հանդիպման և դարձել 36 գոլի հեղինակ։ Հենց «Իստիկլոլի» կազմում Դիլշոդ Վասիևը դարձել է Տաջիկստանի առաջնության 2012 թվականի լավագույն ռմբարկուն (24 գոլ)։ Հաջորդ տարի նա խփել է 13 գոլ, սակայն 3 գոլ չեղյալ են հայտարարվել («Պանջշերա»-ի դեմ խաղի արդյունքի հետ միասին) և նա ռմբարկուների վեճում զիջել Է իրանցի Հուսեյնի Սուխրոբիին։ 2014 թվականին Վասիևը իր կարիերայի ընթացքում երկրորդ անգամ առաջնության ռմբարկուների առաջատարն է եղել՝ խփելով 15 գոլ[2]։ Վասիևը Դուշանբեի թիմի կազմում Տաջիկստանի չեմպիոն է դարձել նաև 2010, 2011 և 2014 թվականներին։
Հավաքականի կազմում[խմբագրել | խմբագրել կոդը]
Արդեն 2006 թվականին Վասիևով սկսել են հետաքրքրվել շատ մարզիչներ ազգային հավաքականներից։ Վասիևը հասցրել է խաղալ նաև Տաջիկստանի երիտասարդական և օլիմպիական հավաքականի կազմում։ Մինչև այսօր Վասիլևը երեսունհինգ խաղ է խաղացել ազգային հավաքականում և դարձել 6 գոլի հեղինակ։ Դիլշոդ Վասիևը նաև Տաջիկստանի հավաքականի ավագն է և լավագույն գվարդիականը։
Ձեռքբերումներ[խմբագրել | խմբագրել կոդը]
Ակումբային[խմբագրել | խմբագրել կոդը]
- «Իստիկլոլ»
- Տաջիկստանի չեմպիոն․ 2010, 2011, 2014
- Տաջիկստանի գավաթակիր․ 2009, 2010, 2013
- Տաջիկստանի սուպերգավաթակիր․ 2010, 2011, 2012, 2014
- ԱՖԿ նախագահի գավաթակիր․ 2012
- Տաջիկստանի գավաթի եզրափակչի մասնակից․ 2011, 2012
- Տաջիկստանի առաջնության արծաթե մեդալակիր․ 2013
- Տաջիկստանի առաջնության բրոնզե մեդալակիր․ 2012
- Տաջիկստան
- ԱՖԿ գավաթի խաղարկության եզրափակչի մասնակից - 2008
- ԱՖԿ բրոնզե կանչի գավաթակիր - 2010
Անձնական[խմբագրել | խմբագրել կոդը]
- Տաջիկստանի Առաջնության լավագույն ռմբարկու - 2012, 2014
Ընտանիք[խմբագրել | խմբագրել կոդը]
Եղբայրը՝ Ֆարհոդը (ծնվել է 1990 թվականին), նույնպես ֆուտբոլիստ է։
Ծանոթագրություններ[խմբագրել | խմբագրել կոդը]
- ↑ 1,0 1,1 Transfermarkt.com(բազմ․) — 2000.
- ↑ «Дилшод Восиев во второй раз в карьере стал лучшим бомбардиром чемпионата Таджикистана». Արխիվացված օրիգինալից 2014 թ․ դեկտեմբերի 18-ին. Վերցված է 2014 թ․ նոյեմբերի 20-ին.