Դիեզ

Դիեզ
Տեսակ	accidental և key signature
Հակառակը	Բեմոլ

Դիեզ (ֆր.՝ dièse՝ ըստ հին հուն․՝ δίεσις՝ «դիեսա» բառի), երաժշտական նոտագրության մեջ ալտերացիայի նշան, որը նշանակում է այդ նշանից աջ կանգնած նոտայի բարձրացում մեկ կիսատոնով:

Դիեզը դրվում է կամ երաժշտական բանալուց հետո կամ առանձին նոտայից առաջ: Առաջին դեպքում այն գործում է մինչև հաջորդ բանալին, երկրորդ դեպքում՝ մինչև տակտի ավարտը կամ չեղարկվում է բեկարի նշանով: Դիեզը նշանակում են վանդականիշով ( $\sharp$ ): Երբեմն անհրաժեշտություն է առաջանում նոտան բարձրացնելու մեկ ամբողջ տոնով: Դրա համար կիրառվում է դուբլ դիեզը, որն ունի ծայրերում փոքրիկ քառակուսիներով x-անման խաչի տեսք ():

Յունիկոդի սիմվոլների աղյուսակում դիեզի համար կա հատուկ նշան «♯» (համարը տասնվեցական համակարգում՝ 266F), որը տարբերվում է օկտոտորպի նշանից (վանդականիշից) «#», ուստի խորհուրդ չի տրվում դիեզի նշանի փոխարեն օգտագործել օկտոտորպը: Դուբլ դիեզի նշանը (𝄪) Յունիկոդում ունի տասնվեցական համակարգի 1D12A համարը:

Նախկինում դուբլ դիեզի գործողությունը կիսով չափ չեղարկելու (դուբլ դիեզով նոտան կես տոնով իջեցնելու) համար գործածվել է նաև բեկար դիեզ նշանը $\natural \sharp$ : Ներկայումս դրա փոխարեն օգտագործվում է սովորական դիեզը: