Դանիլ Կրուգովոյը ծնվել է Գատչինայում։ Ֆուտբոլով սկսել է զբաղվել 6 տարեկանում «Սմենայի» ֆուտբոլային դպրոցում։ 2015-2017 թվականներին խաղացել է «Զենիթի» երիտասարդական թիմում, անցկացրել է 32 խաղ Պրեմիեր լիգայի երիտասարդական առաջնությունում և չորս խաղ ՈՒԵՖԱ 2015/16 պատանեկան լիգայում։ 2016 թվականի նոյեմբերին կատարել է նորամուտը ՖԱԼ առաջնությունում՝ «Զենիթ-2» ակումբի կազմում անցկացնելով երեք խաղ։ Հաջորդ մրցաշրջանում 23 խաղում խփել է մեկ գոլ։ 2018/19 մրցաշրջանից առաջ տեղափոխվել է Պրեմիեր լիգայի«Ուֆա» ակումբ։ Օգոստոսի 3-ին կատարել է նորամուտը ՊՖԼ առաջնությունում՝ ակումբի երկրորդ կազմում։ Օգոստոսի 6-ին անցկացրել է առաջին խաղը առաջնությունում՝ «Անժիի» դեմ տնային խաղում (3:0)։
2019 թվականի օգոստոսի 21-ին կնքել է հնգամյա պայմանագիր «Զենիթի» հետ, բայց 2019/2020 մրցաշրջանը վարձավճարով կանցկացնի «Ուֆայում»[2][3]։
2019 թվականին Sports.ru-ին տված հարցազրույցում պատմել է, որ 2013 թվականին իր հորը՝ նախկին հատուկ ջոկատայինին, տարել և սպանել են Սանկտ ՊետերբուրգիԳորելովո գյուղում։ Մարդասպաններին դեռ չեն գտել։ Նույն հարցազրույցում նաև պատմել է, որ ինքը ամուսնացած չէ[4]։