Գևորգ Վարդանյան (զինվորական)

Վիքիպեդիայից՝ ազատ հանրագիտարանից
Jump to navigation Jump to search
Գևորգ Գագիկի Վարդանյան
օգոստոսի 19, 1996-ապրիլի 4, 2016
ԾննդավայրՀայաստան Գյումրի
Մահվան վայրԼՂՀ Թալիշ
Ծառայության տարիներ2015-2016
Կոչումշարքային
Պաշտոնգնդացրորդ
Մարտեր/
պատերազմներ
Ապրիլյան պատերազմ
ՊարգևներԱրցախի Հանրապետության «Մարտական ծառայություն» մեդալ, Արիության մեդալ (Հայաստան)

Գևորգ Գագիկի Վարդանյան (օգոստոսի 19, 1996, Գյումրի, Շիրակի մարզ- ապրիլի 4, 2016, Թալիշ, Արցախ), զինվորական, շարքային, գնդացրորդ, ապրիլյան պատերազմի մասնակից։

Կենսագրություն[խմբագրել | խմբագրել կոդը]

Գևորգ Վարդանյանը ծնվել է 1996 թվականին Գյումրիում[1]։ 6 տարեկանում տեղափոխվել է Ռուսաստանի Դաշնության Ալթայի երկրամաս։ 9-րդ դասարանն ավարտելուց հետո ընդունվել Ալթայի արդյունաբերական քոլեջի գազաֆիկացիայի բաժինը։ 18 տարեկանում վերադարձել է և պարտադիր զինվորական ծառայության անցել Մարտակերտի շրջանի Թալիշ գյուղում, եղել է Հրաչ Գալստյանի դասակից։ 2015 թվականի սեպտեմբերին ադրբեջանական դիվերսիայի ժամանակ Գևորգը գնդակոծության տակից դուրս է բերել վիրավոր ընկերոջը[2], որի համար արժանացել է շնորհակալագրի։ 2016 թվականի ապրիլի սկզբին արցախա-ադրբեջանական սահմանի Թալիշի ուղղությամբ ծավալված մարտական գործողությունների ժամանակ տանկի արկի պայթյունից զոհվել են Գևորգ Վարդանյանն ու դասակի հրամանատար Հրաչ Գալստյանը։

Գևորգ Վարդանյանը հետմահու պարգևատրվել է Արցախի նախագահի կողմից՝ «Մարտական ծառայություն», իսկ ՀՀ նախագահի կողմից՝ «Արիության» մեդալներով։

Գյումրու թիվ 7 դպրոցի դասասենյակներից մեկն անվանակոչվել է քառօրյա պատերազմում զոհված Գևորգ Վարդանյանի անունով[3]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Աղբյուրներ[խմբագրել | խմբագրել կոդը]